Qazaqstan avtobiznes qaýymdastyǵynyń ókili Qairat Elamanov ýtil alymnyń tómendeýi jáne búgin ǵana jariialanǵan bastapqy jarnasyz jeńildetilgen jańa avtonesie baǵdarlamasyna qatysty sala mamany retinde pikir bildirdi, dep habarlaidy QazAqparat tilshisi.
«Búgin Úkimet jariia etken ýtil alymdy 50 paiyzǵa deiin tómendetý - oryndy sheshim. Degenmen atalǵan shara otandyq avtomobil baǵasyn retteýge sonshalyqty áser etpeidi. Sebebi Qazaqstanda avtomobil satýda otandyq óndirýshiler úlesi - 65 paiyz. Bilemiz, Qazaqstanda KIA, Chevrolet, Lada, Hyundai jeńil kólikteri jasalady. Iaǵni joǵaryda atalǵan markaly kólikterge ýtil alymnyń aitarlyqtai áseri joq», - dedi Qairat Elamanov.
Onyń aitýynsha, elimizde avtokólikterdiń baǵasy diller jáne distribiýtorlarǵa bailanysty.
«Árine, baǵany memleket belgilemeidi, memleket jaǵdai jasaidy, múmkindik beredi. Osy oraida qazir memleket otandyq kólik óndirýshilerge jaǵdai jasap otyr. Iaǵni, endigi ýaqytta otandyq óndirýshiler ýtil alymdy kóliktiń baǵasyna qospaidy. Búgin Úkimette aitylǵan taǵy bir mańyzdy shara - avtokólik alǵysy keletinder úshin bastapqy jarnasyz, jeńildetilgen nesie berýdi jetildire túsý. Baǵdarlamaǵa suranys bar, sátti iske asyp keledi. Onyń nátijesin qazirdiń ózinde kórip otyrmyz. Qazir kólik alý kezeginde 15 myńdai adam tur. Menińshe, atalǵan shara halyq pen qoǵam úshin óte paidaly», - deidi sarapshy.
