قازاقستان اۆتوبيزنەس قاۋىمداستىعىنىڭ ٶكٸلٸ قايرات ەلامانوۆ ۋتيل الىمنىڭ تٶمەندەۋٸ جەنە بٷگٸن عانا جارييالانعان باستاپقى جارناسىز جەڭٸلدەتٸلگەن جاڭا اۆتونەسيە باعدارلاماسىنا قاتىستى سالا مامانى رەتٸندە پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«بٷگٸن ٷكٸمەت جارييا ەتكەن ۋتيل الىمدى 50 پايىزعا دەيٸن تٶمەندەتۋ - ورىندى شەشٸم. دەگەنمەن اتالعان شارا وتاندىق اۆتوموبيل باعاسىن رەتتەۋگە سونشالىقتى ەسەر ەتپەيدٸ. سەبەبٸ قازاقستاندا اۆتوموبيل ساتۋدا وتاندىق ٶندٸرۋشٸلەر ٷلەسٸ - 65 پايىز. بٸلەمٸز, قازاقستاندا KIA, Chevrolet, Lada, Hyundai جەڭٸل كٶلٸكتەرٸ جاسالادى. ياعني جوعارىدا اتالعان ماركالى كٶلٸكتەرگە ۋتيل الىمنىڭ ايتارلىقتاي ەسەرٸ جوق», - دەدٸ قايرات ەلامانوۆ.
ونىڭ ايتۋىنشا, ەلٸمٸزدە اۆتوكٶلٸكتەردٸڭ باعاسى ديللەر جەنە ديستريبيۋتورلارعا بايلانىستى.
«ەرينە, باعانى مەملەكەت بەلگٸلەمەيدٸ, مەملەكەت جاعداي جاسايدى, مٷمكٸندٸك بەرەدٸ. وسى ورايدا قازٸر مەملەكەت وتاندىق كٶلٸك ٶندٸرۋشٸلەرگە جاعداي جاساپ وتىر. ياعني, ەندٸگٸ ۋاقىتتا وتاندىق ٶندٸرۋشٸلەر ۋتيل الىمدى كٶلٸكتٸڭ باعاسىنا قوسپايدى. بٷگٸن ٷكٸمەتتە ايتىلعان تاعى بٸر ماڭىزدى شارا - اۆتوكٶلٸك العىسى كەلەتٸندەر ٷشٸن باستاپقى جارناسىز, جەڭٸلدەتٸلگەن نەسيە بەرۋدٸ جەتٸلدٸرە تٷسۋ. باعدارلاماعا سۇرانىس بار, سەتتٸ ٸسكە اسىپ كەلەدٸ. ونىڭ نەتيجەسٸن قازٸردٸڭ ٶزٸندە كٶرٸپ وتىرمىز. قازٸر كٶلٸك الۋ كەزەگٸندە 15 مىڭداي ادام تۇر. مەنٸڭشە, اتالعان شارا حالىق پەن قوعام ٷشٸن ٶتە پايدالى», - دەيدٸ ساراپشى.
