Valiýta baǵamyna qatysty ekonomist Sergei Domnin teńge baǵamynyń ózgerýine qatysty pikir bildirdi, dep habarlaidy "Ult aqparat" «Habar 24» telearnasyna silteme jasap.
«Keibir valiýta aiyrbastaý oryndary bir dollardy 400 teńgege baǵalaýda. Qazirgi jaǵdaida bul laiyqty baǵa ma?», - dep surady telearna tilshisi Sergei Domninnen.
Óz kezeginde sarapshy munai quny, rýbl baǵamy tómendegenin, sondai-aq teńge baǵamynda ózgeris oryn alǵanyn atap ótti.
«Kóp jaǵdaida kúigelektik saldarynan bolǵan aýytqýlar oryn alýda, iaǵni bireýler úshin bul spekýliativti saýda bolyp otyr. Olar osyndai jaǵdai týyndatyp otyr. Meniń oiymsha, jaǵdai túzelýi tiis», - dedi S. Domnin.
Sonymen qatar ol el turǵyndaryna birneshe qarapaiym keńesin berdi.
«Birinshiden, baǵamǵa qatysty túsiniksiz jaǵdaidy kórip turyp, birden aiyrbastaý pýnktine barý qajet emes. Óitkeni valiýta aiyrbastaý oryndaryna birinshi bolyp barǵandar, valiýtany aiyrbastaityndar úshin qosymsha tabys jasaýǵa múmkindik beredi. Ekinshiden, adamdar óz shyǵyndaryn josparlaýmen ainalysýy kerek, iaǵni qadamdardy uzaq merzimge belgileý qajet», - dedi ekonomist.
