ۆاليۋتا باعامىنا قاتىستى ەكونوميست سەرگەي دومنين تەڭگە باعامىنىڭ ٶزگەرۋٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات" «حابار 24» تەلەارناسىنا سٸلتەمە جاساپ.
«كەيبٸر ۆاليۋتا ايىرباستاۋ ورىندارى بٸر دوللاردى 400 تەڭگەگە باعالاۋدا. قازٸرگٸ جاعدايدا بۇل لايىقتى باعا ما?», - دەپ سۇرادى تەلەارنا تٸلشٸسٸ سەرگەي دومنيننەن.
ٶز كەزەگٸندە ساراپشى مۇناي قۇنى, رۋبل باعامى تٶمەندەگەنٸن, سونداي-اق تەڭگە باعامىندا ٶزگەرٸس ورىن العانىن اتاپ ٶتتٸ.
«كٶپ جاعدايدا كٷيگەلەكتٸك سالدارىنان بولعان اۋىتقۋلار ورىن الۋدا, ياعني بٸرەۋلەر ٷشٸن بۇل سپەكۋلياتيۆتٸ ساۋدا بولىپ وتىر. ولار وسىنداي جاعداي تۋىنداتىپ وتىر. مەنٸڭ ويىمشا, جاعداي تٷزەلۋٸ تيٸس», - دەدٸ س. دومنين.
سونىمەن قاتار ول ەل تۇرعىندارىنا بٸرنەشە قاراپايىم كەڭەسٸن بەردٸ.
«بٸرٸنشٸدەن, باعامعا قاتىستى تٷسٸنٸكسٸز جاعدايدى كٶرٸپ تۇرىپ, بٸردەن ايىرباستاۋ پۋنكتٸنە بارۋ قاجەت ەمەس. ٶيتكەنٸ ۆاليۋتا ايىرباستاۋ ورىندارىنا بٸرٸنشٸ بولىپ بارعاندار, ۆاليۋتانى ايىرباستايتىندار ٷشٸن قوسىمشا تابىس جاساۋعا مٷمكٸندٸك بەرەدٸ. ەكٸنشٸدەن, ادامدار ٶز شىعىندارىن جوسپارلاۋمەن اينالىسۋى كەرەك, ياعني قادامداردى ۇزاق مەرزٸمگە بەلگٸلەۋ قاجەت», - دەدٸ ەكونوميست.
