Qordai oqiǵasy saldarynan keltirilgen shyǵyn kólemi taiaý kúnderi jariia etiledi. Bul týraly búgin Úkimet otyrysynan keiin Jambyl oblysynyń ákimi Berdibek Saparbaev aitty, dep habarlaidy "Ult aqparat".
«Ókinishke qarai, ázirshe keltirilgen shyǵyn kólemin aita almaimyn. Jumys toby jumys istep, zardap kelgen barlyq turǵyn úilerdi, saýda núktelerin zerdelep jatyr. Taiaý kúnderdiń ishinde biz keltirilgen shyǵyn kólemin jariia etemiz. Sodan keiin Úkimetke usynys engiziledi. Buǵan qosa, búgin atap ótkenimdei, atalǵan óńirden shyqqan kásipkerlermen, biznesmendermen zardap shekkenderge kómektesý máselesin de sóilesip jatyrmyz», - dedi Jambyl oblysynyń ákimi.
Berdibek Saparbaev Prezident tapsyrmasyna sáikes, Jambyl oblysynyń Qordai aýdanynda bolǵan jaǵdaiǵa bailanysty qurylǵan komissiianyń tóraǵasy bolyp qalatyndyǵyn, jumys jalǵasatyndyǵyn atap ótti. Sonymen qatar ol Jambyl oblysynyń ákimi bolyp taǵaiyndalýyna qatysty pikir bildirdi.
«Ony sheshetin Memleket basshysy. Memleket basshysy osyndai sheshim qabyldaǵannan keiin men ony oryndaýǵa mindettimin. Kezinde ministr bolsam, qazir ákim retinde Jambyl oblysynda oryn alǵan oqiǵa saldaryn tezirek joiýǵa qatysty jumys isteimiz», - dedi ol.
