قورداي وقيعاسى سالدارىنان كەلتٸرٸلگەن شىعىن كٶلەمٸ تاياۋ كٷندەرٸ جارييا ەتٸلەدٸ. بۇل تۋرالى بٷگٸن ٷكٸمەت وتىرىسىنان كەيٸن جامبىل وبلىسىنىڭ ەكٸمٸ بەردٸبەك ساپارباەۆ ايتتى, دەپ حابارلايدى "ۇلت اقپارات".
«ٶكٸنٸشكە قاراي, ەزٸرشە كەلتٸرٸلگەن شىعىن كٶلەمٸن ايتا المايمىن. جۇمىس توبى جۇمىس ٸستەپ, زارداپ كەلگەن بارلىق تۇرعىن ٷيلەردٸ, ساۋدا نٷكتەلەرٸن زەردەلەپ جاتىر. تاياۋ كٷندەردٸڭ ٸشٸندە بٸز كەلتٸرٸلگەن شىعىن كٶلەمٸن جارييا ەتەمٸز. سودان كەيٸن ٷكٸمەتكە ۇسىنىس ەنگٸزٸلەدٸ. بۇعان قوسا, بٷگٸن اتاپ ٶتكەنٸمدەي, اتالعان ٶڭٸردەن شىققان كەسٸپكەرلەرمەن, بيزنەسمەندەرمەن زارداپ شەككەندەرگە كٶمەكتەسۋ مەسەلەسٸن دە سٶيلەسٸپ جاتىرمىز», - دەدٸ جامبىل وبلىسىنىڭ ەكٸمٸ.
بەردٸبەك ساپارباەۆ پرەزيدەنت تاپسىرماسىنا سەيكەس, جامبىل وبلىسىنىڭ قورداي اۋدانىندا بولعان جاعدايعا بايلانىستى قۇرىلعان كوميسسييانىڭ تٶراعاسى بولىپ قالاتىندىعىن, جۇمىس جالعاساتىندىعىن اتاپ ٶتتٸ. سونىمەن قاتار ول جامبىل وبلىسىنىڭ ەكٸمٸ بولىپ تاعايىندالۋىنا قاتىستى پٸكٸر بٸلدٸردٸ.
«ونى شەشەتٸن مەملەكەت باسشىسى. مەملەكەت باسشىسى وسىنداي شەشٸم قابىلداعاننان كەيٸن مەن ونى ورىنداۋعا مٸندەتتٸمٸن. كەزٸندە مينيستر بولسام, قازٸر ەكٸم رەتٸندە جامبىل وبلىسىندا ورىن العان وقيعا سالدارىن تەزٸرەك جويۋعا قاتىستى جۇمىس ٸستەيمٸز», - دەدٸ ول.
