«Samuryq-Qazyna» qorynda Bolat Jámishevtiń tóraǵalyǵymen «QazMunaiGaz» AQ qyzmetiniń negizgi baǵyttaryna arnalǵan qordyń Qoǵamdyq keńesiniń otyrysy ótti.
QMG basshysy Ashat Hasenov óz baiandamasynda atap ótkendei, 2025 jyly kompaniianyń úlesine tiesili munai men gaz kondensatyn óndirý kólemi 2024 jylmen salystyrǵanda 10%-ǵa ósip, 26,2 mln tonnany qurady. Qazaqstandaǵy munai óńdeý kólemi 3,2%-ǵa artyp, 14,7 mln tonnaǵa jetti.
Sonymen qatar, 2025 jyly QMG ashyq tústi munai ónimderin óndirý boiynsha rekordtyq kórsetkishke qol jetkizdi – óndiris kólemi aldyńǵy jylmen salystyrǵanda 1,2 mln tonnaǵa artty.
Kompaniia resýrstyq bazasyn keńeitýdi jalǵastyrýda. Geologiialyq barlaý baǵdarlamasy aiasynda daiyndyqtyń ártúrli kezeńindegi 23 joba iske asyrylyp jatyr. Negizgi nazarda tereń jatqan qorlar, az zerttelgen stratigrafiialyq keshender jáne perspektivaly aýmaqtar boldy.
Munai-gaz himiiasyn damytý da basym baǵyttardyń biri. Negizgi jobalardyń qatarynda magistraldyq qubyrlar, gaz bólý kesheni jáne polietilen óndirý jobasy bar.
Sondai-aq, QMG dekarbonizatsiia salasynda jobalardy júzege asyryp jatyr. Olardyń qatarynda Jańaózendegi gibridti elektr stantsiiasy, Jambyl oblysyndaǵy «Mirnyi» jobasy jáne turaqty aviatsiialyq otyn (SAF) óndirý jobasy bar.
Taǵy bir mańyzdy baǵyt – tsifrlandyrý. Kompaniia qyzmetiniń barlyq biznes baǵyttary boiynsha tsifrlyq damýdy qamtamasyz etý jáne jasandy intellektini (JI) engizý jónindegi keshendi is-sharalar júzege asyrylýda. Qazirgi ýaqytta kompaniianyń portfelinde jasandy intellekt negizindegi 50 joba bar.
KASE derekterine sáikes, QMG 44,5 mlrd dollardy quraityn Qazaqstandaǵy kapitaldandyrý deńgeii eń joǵary kompaniia bolyp qala beredi. 2026 jyldyń 4 tamyzyndaǵy jaǵdai boiynsha QMG-nyń bir aktsiiasynyń quny 34 650 teńge. Al IPO ótken kezde onyń baǵasy 8 406 teńge bolǵan.
