"Samuryq-Qazyna" basshylyǵy Májilisi depýtaty Amanjan Jamalovtyń "qordyń oilanbai qabyldaǵan sheshimderi" týraly málimdemesine pikir bildirdi, - dep habarlaidy Tengrinews.kz agenttigi.
"Memleket basshysynyń tapsyrmalaryn oryndaý maqsatynda qor birinshi kezektegi reformalardy iske asyrýǵa baǵyttalǵan júieli jumystardy atqaryp keledi. Satyp alý salasy men bizneske kedergi keltiretin birqatar máseleniń bir bóligi tez arada sheshilýin talap etedi. Qazir Úkimetpen birlese otyryp, qor qyzmetiniń tiimdiligin arttyrý jóninde jospar ázirlenip jatyr. Ol maquldanǵannan keiin ashyq túrde jariialanady", - delingen habarlamada.
Sonymen qatar, qor ókili reformalaý boiynsha birinshi kezektegi sharalardyń biri top-menedjment pen qyzmetkerler sanyn retke keltirý ekenin málimdedi.
"Sheshim qabyldar aldynda biýrokratiialyq máselelerdi joiý boiynsha qurylym men shtatqa taldaý jasaldy. Onyń negizinde jańa uiymdyq qurylym jasaqtaldy, biznes-sharalardyń qadamdardy jetildirildi. Barlyq qysqartý eńbek zańnamasyna sáikes júrgizilip jatyr.
Qabyldanǵan sharalar qordy ózgermeli jaǵdailarǵa beiimdeýge, ákimshilik jáne basqarý qyzmetteriniń utqyrlyǵyn jáne jumys tiimdiligin arttyrýǵa múmkindik beredi", - dep tolyqtyrdy "Samuryq-Qazyna" ókili.
