"Samuryq-Qazyna" AQ 2017 jylǵy munai naryǵyna boljam jasady, - dep habarlaidy "Ult aqparat" "Samuryq-Qazyna" AQ baspasóz qyzmetine silteme jasap.
Baspasóz qyzmetindegilerdiń málimetinshe, 2016 jyly munai-gaz naryǵy birqatar synaqtardy basynan keshirdi, jahandyq naryqtyń qubylmalyǵy men turaqsyzdyǵy jaǵdaidy tipti kúrdelendirip jiberdi. 2017 jylǵy munai naryǵyn qalyptastyratyn negizgi sebepter 2016 jyldyń aiaǵynda-aq oryn aldy deýge bolady. Qarasha, jeltoqsan ailarynda OPEK pen oǵan kirmeitin elderdiń kezdesýi ótti, bul kezdesý jahandyq investorlarǵa 2017 jyldyń 1 jartyjyldyǵyna jospar qurýǵa múmkindik berdi. Munai óndirýdi táýligine 1,8 million barrel deńgeiinde ustap turý kelisiminiń arqasynda munai baǵasy qarashada 5 paiyzǵa, jeltoqsanda 8 paiyzǵa ósti.
Olardyń aitýynsha, OPEK munai óndirýdi qysqartqanymen, onyń orny AQSh-taǵy taqtatas munaiyn óndirý esebinen tolyqtyrylady. Tipti, AQSh-taǵy burǵylaý qondyrǵylarynyń qazirgi sanymen-aq, taqtatas munaiyn óndirý kólemi 2017 jylǵy 1 toqsannan bastap ósýge bet aldy. 2017 jyly munai baǵasynyń ósimi qalypty bolady, iaǵni, bizdiń bazalyq stsenarii boiynsha barreline ortasha 50-52 dollar bolmaq.
Mańyzdy faktorlar:
1. Jahandyq ósim men munaiǵa suranys boljamy
Jahandyq ekonomikalyq ósim munai naryǵynyń keleshegin boljaýdaǵy mańyzdy faktor bolyp qalyp otyr. Keibir elderdiń kórsetkishteri jaqsy bolǵanymen, ózgelerde jaǵdai ońdy emes. Dese de 2016 jylmen salystyrǵanda 2017 jyly joǵary ósý qarqyny kútilip otyr. IJÓ 2016 jyly 2,4-3,1 paiyz bolsa, 2017 jyly 2,8-3,4 paiyzǵa ósedi dep kútilip otyr.
Munaiǵa suranys 2017 jyly táýligine ortasha eseppen 1,15 mln barrelge, iaǵni 96,5 million barrelge deiin artady (2016: táýligine +1,23 million). 2016 jylmen salystyrǵanda ósýdegi irkilister AQSh-ta, Indiiada, Eýropada baiqalatyn bolsa (baǵa ikemdiliginiń tómendeýine bailanysty), Japoniia men Braziliiada suranys artady. Munai suranysynyń artýyna Qytaidyń úlesi zor bolady, 2016 jylǵy satylǵan kólikter sanyna qarasaq, janarmai paidalaný anaǵurlym artatynyn kórem
2. OPEK pen oǵan kirmeitin elderdiń munai jetkizilimi
30 qarashada OPEK 2017 jylǵy 1 qańtardan bastap munai óndirýdi táýligine 1,2 million barrelge azaitýǵa, iaǵni táýligine 32,5 million barrelge deiin qysqartý týraly sheshim qabyldady. Kelisim merzimi - alty ai. 2017 jylǵy qysqartýdyń ózinde OPEK óndirisi 2016 jylǵy qańtardaǵy deńgeide qalady, bul da, kelisimderge qaramastan, 2017 jyly OPEK kútken nátijeler.
9 jeltoqsanda OPEK-ke kirmeitin 11 el, OPEK sheshiminie qoldaý retinde 2017 jyly alty aiǵa óndiris kólemin táýligine 558 000 barrelge tómendetýdi uiǵardy. Tiisinshe, munai óndirisiniń jalpy tómendetilgen kólemi táýligine 1,8 million barrel boldy.
Sondai-aq, baspasóz qyzmetindegilerdiń aitýynsha, OPEK-ke kirmeitin elderdiń óndirisi 2017 jyly turaqtalady. Óndirý Eýropa men AziiaTynyq muhit aimaǵynda tómendep, onyń ornyn Braziliia men Kanadada artady. Boljam boiynsha, óndiris kólemi jaǵynan Kanada OPEK-ke kirmeitin elderdiń ishinde úshinshi orynǵa shyǵady, iaǵni Braziliia men Qazaqstannan keiin.
3. Munai baǵasynyń ikemdiligi men boljamdar
2017 jylǵy munai baǵasynyń ikemdiligi joǵary bolady dep kútiledi. Bul OPEK pen oǵan kirmeitin elderdegi táýekelder tómendedi, sondai-aq geosaiasi faktorlar da munai baǵasyna áser etip jatyr.
OPEK-tegi óndiristiń qysqarýy AQSh-taǵy taqtatas munaiyn óndirý esebinen tolyqtyrylady dep kútemiz. Taqtatas munaiy óndirisiniń artýy munai baǵasynyń ósýine shekteý qoiady. Tipti, AQSh-taǵy burǵylaý qondyrǵylarynyń qazirgi sanymen-aq, taqtatas munaiyn óndirý kólemi 2017 jylǵy 1 toqsannan bastap ósýge bet aldy. "Samuryq-Qazyna" AQ ókilderiniń aitýynsha, 2017 jyly munai baǵasynyń ósimi qalypty bolady, iaǵni, bazalyq stsenarii boiynsha barreline ortasha 50-52 dollar bolmaq.
