"سامۇرىق-قازىنا" اق 2017 جىلعى مۇناي نارىعىنا بولجام جاسادى, - دەپ حابارلايدى "ۇلت اقپارات" "سامۇرىق-قازىنا" اق باسپاسٶز قىزمەتٸنە سٸلتەمە جاساپ.
باسپاسٶز قىزمەتٸندەگٸلەردٸڭ مەلٸمەتٸنشە, 2016 جىلى مۇناي-گاز نارىعى بٸرقاتار سىناقتاردى باسىنان كەشٸردٸ, جاھاندىق نارىقتىڭ قۇبىلمالىعى مەن تۇراقسىزدىعى جاعدايدى تٸپتٸ كٷردەلەندٸرٸپ جٸبەردٸ. 2017 جىلعى مۇناي نارىعىن قالىپتاستىراتىن نەگٸزگٸ سەبەپتەر 2016 جىلدىڭ اياعىندا-اق ورىن الدى دەۋگە بولادى. قاراشا, جەلتوقسان ايلارىندا وپەك پەن وعان كٸرمەيتٸن ەلدەردٸڭ كەزدەسۋٸ ٶتتٸ, بۇل كەزدەسۋ جاھاندىق ينۆەستورلارعا 2017 جىلدىڭ 1 جارتىجىلدىعىنا جوسپار قۇرۋعا مٷمكٸندٸك بەردٸ. مۇناي ٶندٸرۋدٸ تەۋلٸگٸنە 1,8 ميلليون باررەل دەڭگەيٸندە ۇستاپ تۇرۋ كەلٸسٸمٸنٸڭ ارقاسىندا مۇناي باعاسى قاراشادا 5 پايىزعا, جەلتوقساندا 8 پايىزعا ٶستٸ.
ولاردىڭ ايتۋىنشا, وپەك مۇناي ٶندٸرۋدٸ قىسقارتقانىمەن, ونىڭ ورنى اقش-تاعى تاقتاتاس مۇنايىن ٶندٸرۋ ەسەبٸنەن تولىقتىرىلادى. تٸپتٸ, اقش-تاعى بۇرعىلاۋ قوندىرعىلارىنىڭ قازٸرگٸ سانىمەن-اق, تاقتاتاس مۇنايىن ٶندٸرۋ كٶلەمٸ 2017 جىلعى 1 توقساننان باستاپ ٶسۋگە بەت الدى. 2017 جىلى مۇناي باعاسىنىڭ ٶسٸمٸ قالىپتى بولادى, ياعني, بٸزدٸڭ بازالىق ستسەناريي بويىنشا باررەلٸنە ورتاشا 50-52 دوللار بولماق.
ماڭىزدى فاكتورلار:
1. جاھاندىق ٶسٸم مەن مۇنايعا سۇرانىس بولجامى
جاھاندىق ەكونوميكالىق ٶسٸم مۇناي نارىعىنىڭ كەلەشەگٸن بولجاۋداعى ماڭىزدى فاكتور بولىپ قالىپ وتىر. كەيبٸر ەلدەردٸڭ كٶرسەتكٸشتەرٸ جاقسى بولعانىمەن, ٶزگەلەردە جاعداي وڭدى ەمەس. دەسە دە 2016 جىلمەن سالىستىرعاندا 2017 جىلى جوعارى ٶسۋ قارقىنى كٷتٸلٸپ وتىر. ٸجٶ 2016 جىلى 2,4-3,1 پايىز بولسا, 2017 جىلى 2,8-3,4 پايىزعا ٶسەدٸ دەپ كٷتٸلٸپ وتىر.
مۇنايعا سۇرانىس 2017 جىلى تەۋلٸگٸنە ورتاشا ەسەپپەن 1,15 ملن باررەلگە, ياعني 96,5 ميلليون باررەلگە دەيٸن ارتادى (2016: تەۋلٸگٸنە +1,23 ميلليون). 2016 جىلمەن سالىستىرعاندا ٶسۋدەگٸ ٸركٸلٸستەر اقش-تا, يندييادا, ەۋروپادا بايقالاتىن بولسا (باعا يكەمدٸلٸگٸنٸڭ تٶمەندەۋٸنە بايلانىستى), جاپونييا مەن برازيلييادا سۇرانىس ارتادى. مۇناي سۇرانىسىنىڭ ارتۋىنا قىتايدىڭ ٷلەسٸ زور بولادى, 2016 جىلعى ساتىلعان كٶلٸكتەر سانىنا قاراساق, جانارماي پايدالانۋ اناعۇرلىم ارتاتىنىن كٶرەم
2. وپەك پەن وعان كٸرمەيتٸن ەلدەردٸڭ مۇناي جەتكٸزٸلٸمٸ
30 قاراشادا وپەك 2017 جىلعى 1 قاڭتاردان باستاپ مۇناي ٶندٸرۋدٸ تەۋلٸگٸنە 1,2 ميلليون باررەلگە ازايتۋعا, ياعني تەۋلٸگٸنە 32,5 ميلليون باررەلگە دەيٸن قىسقارتۋ تۋرالى شەشٸم قابىلدادى. كەلٸسٸم مەرزٸمٸ - التى اي. 2017 جىلعى قىسقارتۋدىڭ ٶزٸندە وپەك ٶندٸرٸسٸ 2016 جىلعى قاڭتارداعى دەڭگەيدە قالادى, بۇل دا, كەلٸسٸمدەرگە قاراماستان, 2017 جىلى وپەك كٷتكەن نەتيجەلەر.
9 جەلتوقساندا وپەك-كە كٸرمەيتٸن 11 ەل, وپەك شەشٸمٸنٸە قولداۋ رەتٸندە 2017 جىلى التى ايعا ٶندٸرٸس كٶلەمٸن تەۋلٸگٸنە 558 000 باررەلگە تٶمەندەتۋدٸ ۇيعاردى. تيٸسٸنشە, مۇناي ٶندٸرٸسٸنٸڭ جالپى تٶمەندەتٸلگەن كٶلەمٸ تەۋلٸگٸنە 1,8 ميلليون باررەل بولدى.
سونداي-اق, باسپاسٶز قىزمەتٸندەگٸلەردٸڭ ايتۋىنشا, وپەك-كە كٸرمەيتٸن ەلدەردٸڭ ٶندٸرٸسٸ 2017 جىلى تۇراقتالادى. ٶندٸرۋ ەۋروپا مەن ازيياتىنىق مۇحيت ايماعىندا تٶمەندەپ, ونىڭ ورنىن برازيلييا مەن كانادادا ارتادى. بولجام بويىنشا, ٶندٸرٸس كٶلەمٸ جاعىنان كانادا وپەك-كە كٸرمەيتٸن ەلدەردٸڭ ٸشٸندە ٷشٸنشٸ ورىنعا شىعادى, ياعني برازيلييا مەن قازاقستاننان كەيٸن.
3. مۇناي باعاسىنىڭ يكەمدٸلٸگٸ مەن بولجامدار
2017 جىلعى مۇناي باعاسىنىڭ يكەمدٸلٸگٸ جوعارى بولادى دەپ كٷتٸلەدٸ. بۇل وپەك پەن وعان كٸرمەيتٸن ەلدەردەگٸ تەۋەكەلدەر تٶمەندەدٸ, سونداي-اق گەوساياسي فاكتورلار دا مۇناي باعاسىنا ەسەر ەتٸپ جاتىر.
وپەك-تەگٸ ٶندٸرٸستٸڭ قىسقارۋى اقش-تاعى تاقتاتاس مۇنايىن ٶندٸرۋ ەسەبٸنەن تولىقتىرىلادى دەپ كٷتەمٸز. تاقتاتاس مۇنايى ٶندٸرٸسٸنٸڭ ارتۋى مۇناي باعاسىنىڭ ٶسۋٸنە شەكتەۋ قويادى. تٸپتٸ, اقش-تاعى بۇرعىلاۋ قوندىرعىلارىنىڭ قازٸرگٸ سانىمەن-اق, تاقتاتاس مۇنايىن ٶندٸرۋ كٶلەمٸ 2017 جىلعى 1 توقساننان باستاپ ٶسۋگە بەت الدى. "سامۇرىق-قازىنا" اق ٶكٸلدەرٸنٸڭ ايتۋىنشا, 2017 جىلى مۇناي باعاسىنىڭ ٶسٸمٸ قالىپتى بولادى, ياعني, بازالىق ستسەناريي بويىنشا باررەلٸنە ورتاشا 50-52 دوللار بولماق.
