2022 jyldyń 1 naýryzynan bastap salyq tóleý merzimin keiinge qaldyrǵanda nemese bólip tóleýge múmkindik berilgende jeke tulǵanyń jalǵyz baspanasy kepilge alynbaidy. Bul týraly Memlekettik kirister komitetinen málim etti, dep habarlaidy QazAqparat.
«Salyq zańnamasyna sáikes salyq tóleý merzimin keiinge qaldyrǵanda nemese bólip tóleýge múmkindik alý úshin ótinim bergende salyq tóleýshi kepilge múlikti (bólip tóleýge berilgen merzimge bailanysty: jyljymaityn múlik, avtokólik, qurylǵylar jáne t.b.) qoiýy kerek. «Salyq jáne biýdjetke tólenetin basqa da mindetti tólemder týraly» (Salyq kodeksi) Qazaqstan Respýblikasy Kodeksiniń 52-babynyń 2) tarmaqshasy erejelermen tolyqtyrylyp, endi jeke tulǵanyń, dara kásipkerdiń, jeke praktikamen ainalysatyn adamnyń jalǵyz turǵyn úii kepil nysanasy bola almaidy. Atalǵan ózgertýler 2022 jyldyń 1 naýryzynan bastap qoldanysqa enedi», - delingen vedomstvo aqparattynda.
Komitet málimetinshe, osy túzetýlerdi iske asyrý maqsatynda QR Qarjy ministrligi «Qazaqstan Respýblikasynyń memlekettik kirister organdarynyń memlekettik qyzmetter kórsetý qaǵidalaryn bekitý týraly» QR Qarjy ministriniń mindetin atqarýshysynyń 2020 jylǵy 10 shildedegi № 665 buiryǵyna ózgertý engizý týraly» QR Qarjy ministriniń buiryq jobasyn ázirledi.
Bul joba ashyq normativtik-quqyqtyq aktilerdiń internet-portalyna 2022 jyldyń 7 aqpanynda jariialanǵan.
Jobany jariia talqylaýdy ótkizý merzimi – 2022 jyldyń 21 aqpanyna deiin.
