2022 جىلدىڭ 1 ناۋرىزىنان باستاپ سالىق تٶلەۋ مەرزٸمٸن كەيٸنگە قالدىرعاندا نەمەسە بٶلٸپ تٶلەۋگە مٷمكٸندٸك بەرٸلگەندە جەكە تۇلعانىڭ جالعىز باسپاناسى كەپٸلگە الىنبايدى. بۇل تۋرالى مەملەكەتتٸك كٸرٸستەر كوميتەتٸنەن مەلٸم ەتتٸ, دەپ حابارلايدى قازاقپارات.
«سالىق زاڭناماسىنا سەيكەس سالىق تٶلەۋ مەرزٸمٸن كەيٸنگە قالدىرعاندا نەمەسە بٶلٸپ تٶلەۋگە مٷمكٸندٸك الۋ ٷشٸن ٶتٸنٸم بەرگەندە سالىق تٶلەۋشٸ كەپٸلگە مٷلٸكتٸ (بٶلٸپ تٶلەۋگە بەرٸلگەن مەرزٸمگە بايلانىستى: جىلجىمايتىن مٷلٸك, اۆتوكٶلٸك, قۇرىلعىلار جەنە ت.ب.) قويۋى كەرەك. «سالىق جەنە بيۋدجەتكە تٶلەنەتٸن باسقا دا مٸندەتتٸ تٶلەمدەر تۋرالى» (سالىق كودەكسٸ) قازاقستان رەسپۋبليكاسى كودەكسٸنٸڭ 52-بابىنىڭ 2) تارماقشاسى ەرەجەلەرمەن تولىقتىرىلىپ, ەندٸ جەكە تۇلعانىڭ, دارا كەسٸپكەردٸڭ, جەكە پراكتيكامەن اينالىساتىن ادامنىڭ جالعىز تۇرعىن ٷيٸ كەپٸل نىساناسى بولا المايدى. اتالعان ٶزگەرتۋلەر 2022 جىلدىڭ 1 ناۋرىزىنان باستاپ قولدانىسقا ەنەدٸ», - دەلٸنگەن ۆەدومستۆو اقپاراتتىندا.
كوميتەت مەلٸمەتٸنشە, وسى تٷزەتۋلەردٸ ٸسكە اسىرۋ ماقساتىندا قر قارجى مينيسترلٸگٸ «قازاقستان رەسپۋبليكاسىنىڭ مەملەكەتتٸك كٸرٸستەر ورگاندارىنىڭ مەملەكەتتٸك قىزمەتتەر كٶرسەتۋ قاعيدالارىن بەكٸتۋ تۋرالى» قر قارجى مينيسترٸنٸڭ مٸندەتٸن اتقارۋشىسىنىڭ 2020 جىلعى 10 شٸلدەدەگٸ № 665 بۇيرىعىنا ٶزگەرتۋ ەنگٸزۋ تۋرالى» قر قارجى مينيسترٸنٸڭ بۇيرىق جوباسىن ەزٸرلەدٸ.
بۇل جوبا اشىق نورماتيۆتٸك-قۇقىقتىق اكتٸلەردٸڭ ينتەرنەت-پورتالىنا 2022 جىلدىڭ 7 اقپانىندا جارييالانعان.
جوبانى جارييا تالقىلاۋدى ٶتكٸزۋ مەرزٸمٸ – 2022 جىلدىڭ 21 اقپانىنا دەيٸن.
