Kolýmbiialyq ánshi Shakira 2026 jyldyń qarashasynda jańadan ashylǵan «Bishkek Arenada» kontsert berýi múmkin. Al ánshiniń Almatydaǵy kontserti ázirge resmi túrde rastalǵan joq, dep habarlaidy ult.kz.
Shakiranyń Qyrǵyzstanǵa kelýi múmkin ekenin Qyrǵyzstan prezidentiniń is basqarýshysy Qanybek Týmanbaev málimdedi. Ol ánshiniń óner kórsetýinen úzindi jariialap, «Shakira! Jaqynda Bishkek Arena-da! Kútesizder me?» dep jazdy.
Qyrǵyzstan prezidentiniń is basqarmasynda taraptardyń qazir kelissóz júrgizip jatqany naqtylandy. Kontsert qarasha aiynda ótýi múmkin. Alaida naqty kúni, bilet baǵasy jáne basqa da sharttar ázirge belgisiz.
«Bishkek Arena» 51 myńnan astam kórermenge arnalǵan. Stadion 2026 jyly ashylyp, onda VI Dúniejúzilik kóshpendiler oiyndarynyń ashylý saltanaty ótken.
Almatyda Shakiranyń kontserti ótýi múmkin degen aqparat kóktemnen beri aitylyp keledi. Buǵan deiin qalalyq Sport nysandary direktsiiasynyń basshysy Eset Baitacov ánshiniń kontsertin Ortalyq stadionda ótkizýdi josparlap otyrǵandaryn málimdegen. Alaida Almaty ákimdigi resmi kelisimge qol qoiylmaǵanyn, kontserttiń kúni men ótetin orny áli bekitilmegenin habarlaǵan.
Buǵan deiin «Astana Kontsert» prodiýseri Málik Hasenov te Shakiranyń Qazaqstanda óner kórsetýi boiynsha kelissózder júrip jatqanyn aitqan.
Osylaisha, Qyrǵyzstandaǵy kelissózder sátti aiaqtalsa, Shakira Bishkekte Almatydan buryn kontsert berýi múmkin.
Ánshiniń ózi jáne onyń ókilderi Bishkek pen Almatydaǵy kontsertter týraly ázirge resmi málimdeme jasaǵan joq.
