Milanda ótken qysqy Olimpiada oiyndarynyń chempiony Mihail Shaidorovtyń altyn medali qoǵamda qyzý talqylanýda. Áleýmettik jelilerde sportshynyń tarihi jetistigine qatysty túrli pikirler aitylyp jatyr, dep habarlaidy ult.kz.
Jazýshy Qanat Tileýhan Instagram paraqshasynda bul máselege qatysty kózqarasyn bildirip, Shaidorovtyń jeńisin memleket nemese Úkimettiń jetistigi retinde baǵalaýǵa qarsy ekenin aitty.
Onyń pikirinshe, Olimpiada altyny – eń aldymen sportshynyń jeke talanty men tabandy eńbeginiń jemisi.
«Mihail Shaidorovtyń Olimpiadadaǵy altyny – eldiń jeńisi emes, Úkimettiń jetistigi emes. Bul – óziniń qabiletin eńbegimen shyńdap, úlken nátijege jetken adamnyń jeke jeńisi. Ol kishkentaiynan osy sport túrin tańdap, kásibi túrde daiyndaldy. Búginde sol eńbeginiń arqasynda tarihi jetistikke qol jetkizdi. Biz kóbine sportshylardyń jeńisin ózimizge menshiktep alǵymyz keledi. Alaida bul jeńispen eshkim ortaqtaspaýy kerek, tek qýanyshyn bólisýge bolady», – dep jazdy Qanat Tileýhan.
