ميلاندا ٶتكەن قىسقى وليمپيادا ويىندارىنىڭ چەمپيونى ميحايل شايدوروۆتىڭ التىن مەدالٸ قوعامدا قىزۋ تالقىلانۋدا. ەلەۋمەتتٸك جەلٸلەردە سپورتشىنىڭ تاريحي جەتٸستٸگٸنە قاتىستى تٷرلٸ پٸكٸرلەر ايتىلىپ جاتىر, دەپ حابارلايدى ult.kz.
جازۋشى قانات تٸلەۋحان Instagram پاراقشاسىندا بۇل مەسەلەگە قاتىستى كٶزقاراسىن بٸلدٸرٸپ, شايدوروۆتىڭ جەڭٸسٸن مەملەكەت نەمەسە ٷكٸمەتتٸڭ جەتٸستٸگٸ رەتٸندە باعالاۋعا قارسى ەكەنٸن ايتتى.
ونىڭ پٸكٸرٸنشە, وليمپيادا التىنى – ەڭ الدىمەن سپورتشىنىڭ جەكە تالانتى مەن تاباندى ەڭبەگٸنٸڭ جەمٸسٸ.
«ميحايل شايدوروۆتىڭ وليمپياداداعى التىنى – ەلدٸڭ جەڭٸسٸ ەمەس, ٷكٸمەتتٸڭ جەتٸستٸگٸ ەمەس. بۇل – ٶزٸنٸڭ قابٸلەتٸن ەڭبەگٸمەن شىڭداپ, ٷلكەن نەتيجەگە جەتكەن ادامنىڭ جەكە جەڭٸسٸ. ول كٸشكەنتايىنان وسى سپورت تٷرٸن تاڭداپ, كەسٸبي تٷردە دايىندالدى. بٷگٸندە سول ەڭبەگٸنٸڭ ارقاسىندا تاريحي جەتٸستٸككە قول جەتكٸزدٸ. بٸز كٶبٸنە سپورتشىلاردىڭ جەڭٸسٸن ٶزٸمٸزگە مەنشٸكتەپ العىمىز كەلەدٸ. الايدا بۇل جەڭٸسپەن ەشكٸم ورتاقتاسپاۋى كەرەك, تەك قۋانىشىن بٶلٸسۋگە بولادى», – دەپ جازدى قانات تٸلەۋحان.
