QR Premer-Ministri Baqytjan Saǵyntaev bolashaǵy joq kásiporyndardy jaýyp, onda jumys isteitin adamdardy basqa jaqqa aýystyrý qajettigin aitty, dep habarlaidy Ult.kz tilshisi QazAqparat agenttigine silteme jasap.
Ol 90-jyldary jekeshelendirilgen kásiporyndar arasynda tabysty jumys istep jatqandary bar ekenin, alaida búginge deiin paidasynan góri ziiany kóp kásiporyndar sanynyń artqandyǵyǵyn aitady.
«Bul óte qiyn protsess. Ekonomikany jańǵyrtý aiasynda bir nárseni anyq túsinýimiz qajet. Eger kásiporynnyń bolashaǵy bolmasa, ony jabý qajet. Paidasy joq kásiporynda jumys jasaityn adamdardy ózge jumysqa ornalastyrý qajet jáne bul úshin ailyqty keshiktirmeitin, jetkilikti jalaqy tóleitin, ózge de qiyndyqtardy boldyrmaityn baza daiyndaý kerek. Olar sonda jumys istep, otbasyn asyraityn bolady. Túsiniksiz kásiporyndardy qolda ustap, sýbsidiialaýdyń ne qajeti bar», - dedi ol «Atameken» ulttyq kásipkerler palatasynyń IV Sezin qorytyndylaý sózinde.
Premer-Ministr bul baǵytta aýqymdy jumystar júrgizýdiń qajettiligin tilge tiek etip, Qazaqstannyń biznes-qaýymdastyǵynan kómek surady.
