Pákistannyń Peshavar qalasynda jekemenshik mekteptiń shatyry opyrylyp, keminde 21 adam kóz jumdy, dep habarlaidy ult.kz.
Qaza bolǵandardyń arasynda 7–12 jas aralyǵyndaǵy 20 oqýshy men bir muǵalim bar. Jergilikti aqparat quraldarynyń málimetinshe, taǵy bes adamnyń jaǵdaiy aýyr.
Oqiǵa ornynda qutqarýshylar jumys istep jatyr. Olar úiindi astynda qalǵan adamdardy izdep, syrtqa shyǵarý sharalaryn jalǵastyrýda.
Pákistannyń syrtqy ister ministri Ishaq Dar zardap shekkenderge shuǵyl kómek kórsetý qajet ekenin aitty. Sondai-aq ol osyndai qaiǵyly jaǵdailardyń aldyn alý úshin mektepterdegi qaýipsizdik talaptaryn kúsheitýge shaqyrdy.
