قر پرەمەر-مينيسترٸ باقىتجان ساعىنتاەۆ بولاشاعى جوق كەسٸپورىنداردى جاۋىپ, وندا جۇمىس ٸستەيتٸن ادامداردى باسقا جاققا اۋىستىرۋ قاجەتتٸگٸن ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
ول 90-جىلدارى جەكەشەلەندٸرٸلگەن كەسٸپورىندار اراسىندا تابىستى جۇمىس ٸستەپ جاتقاندارى بار ەكەنٸن, الايدا بٷگٸنگە دەيٸن پايداسىنان گٶرٸ زييانى كٶپ كەسٸپورىندار سانىنىڭ ارتقاندىعىعىن ايتادى.
«بۇل ٶتە قيىن پروتسەسس. ەكونوميكانى جاڭعىرتۋ اياسىندا بٸر نەرسەنٸ انىق تٷسٸنۋٸمٸز قاجەت. ەگەر كەسٸپورىننىڭ بولاشاعى بولماسا, ونى جابۋ قاجەت. پايداسى جوق كەسٸپورىندا جۇمىس جاسايتىن ادامداردى ٶزگە جۇمىسقا ورنالاستىرۋ قاجەت جەنە بۇل ٷشٸن ايلىقتى كەشٸكتٸرمەيتٸن, جەتكٸلٸكتٸ جالاقى تٶلەيتٸن, ٶزگە دە قيىندىقتاردى بولدىرمايتىن بازا دايىنداۋ كەرەك. ولار سوندا جۇمىس ٸستەپ, وتباسىن اسىرايتىن بولادى. تٷسٸنٸكسٸز كەسٸپورىنداردى قولدا ۇستاپ, سۋبسيدييالاۋدىڭ نە قاجەتٸ بار», - دەدٸ ول «اتامەكەن» ۇلتتىق كەسٸپكەرلەر پالاتاسىنىڭ ٸV سەزٸن قورىتىندىلاۋ سٶزٸندە.
پرەمەر-مينيستر بۇل باعىتتا اۋقىمدى جۇمىستار جٷرگٸزۋدٸڭ قاجەتتٸلٸگٸن تٸلگە تيەك ەتٸپ, قازاقستاننىڭ بيزنەس-قاۋىمداستىعىنان كٶمەك سۇرادى.
