Úkimettiń búgingi otyrysynda QR Premer-Ministri Baqytjan Saǵyntaev memlekettik tapsyrys aiasynda mektepterdi ýaqytynda paidalanýǵa berý máselesine basa nazar aýdardy. Sebebi «aǵatailar» tendermen uzaq oinap júretindikten balalar mektepke ýaqytynda bara almai júredi» degen pikir bildirdi Úkimet basshysy, dep xabarlaidy Ult.kz tilshisi QazAqparat agenttigine silteme jasap.
"Osy máseleni ylǵi talqylaimyz. Alaida jaǵdaiymyz sol qalpy, ózgermei keledi. Aqsha igerilmeidi, tenderlerdi kesh ótkizedi. Sonda qalai? Úlken aǵatailarymyz tender oinap júretindikten balalar zardap shegip otyrady. Osyny túbegeili sheshý kerek. Balalar jańa mektepke barǵysy keledi. Oǵan qosa, Prezidenttiń naqty tapsyrmasy bar. Ulttyq qordan aqsha bólinip jatyr. Sonyń barlyǵy "Nurly jol" baǵdarlamasy aiasynda aimaqtarǵa taratylady. Biz bolsaq, jańa oqý jyly bastalsa da, tender oinap júrmiz", - dedi Baqytjan Saǵyntaev.
Osy oraida Úkimet basshysy óz orynbasarlaryna qazirgi júieni tolyǵymen ózgertýdi tapsyrdy.
