ٷكٸمەتتٸڭ بٷگٸنگٸ وتىرىسىندا قر پرەمەر-مينيسترٸ باقىتجان ساعىنتاەۆ مەملەكەتتٸك تاپسىرىس اياسىندا مەكتەپتەردٸ ۋاقىتىندا پايدالانۋعا بەرۋ مەسەلەسٸنە باسا نازار اۋداردى. سەبەبٸ «اعاتايلار» تەندەرمەن ۇزاق ويناپ جٷرەتٸندٸكتەن بالالار مەكتەپكە ۋاقىتىندا بارا الماي جٷرەدٸ» دەگەن پٸكٸر بٸلدٸردٸ ٷكٸمەت باسشىسى, دەپ xابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
"وسى مەسەلەنٸ ىلعي تالقىلايمىز. الايدا جاعدايىمىز سول قالپى, ٶزگەرمەي كەلەدٸ. اقشا يگەرٸلمەيدٸ, تەندەرلەردٸ كەش ٶتكٸزەدٸ. سوندا قالاي? ٷلكەن اعاتايلارىمىز تەندەر ويناپ جٷرەتٸندٸكتەن بالالار زارداپ شەگٸپ وتىرادى. وسىنى تٷبەگەيلٸ شەشۋ كەرەك. بالالار جاڭا مەكتەپكە بارعىسى كەلەدٸ. وعان قوسا, پرەزيدەنتتٸڭ ناقتى تاپسىرماسى بار. ۇلتتىق قوردان اقشا بٶلٸنٸپ جاتىر. سونىڭ بارلىعى "نۇرلى جول" باعدارلاماسى اياسىندا ايماقتارعا تاراتىلادى. بٸز بولساق, جاڭا وقۋ جىلى باستالسا دا, تەندەر ويناپ جٷرمٸز", - دەدٸ باقىتجان ساعىنتاەۆ.
وسى ورايدا ٷكٸمەت باسشىسى ٶز ورىنباسارلارىنا قازٸرگٸ جٷيەنٸ تولىعىمەن ٶزگەرتۋدٸ تاپسىردى.
