- Qazaqstan premer-ministri Baqytjan Saǵyntaev 2017 jyldan bastap Ulttyq qordaǵy qarajattyń basqasha jumsalatynyn málimdedi, dep habarlaidy "Ult aqparat".
«Álemdegi jaǵdai kúrdeli ekeni barshaǵa belgili. Muny kórip otyrmyz. Barlyǵy aqsha tek Ulttyq qordan keledi, basqa tiyn joq dedi. Eger biz tek osy baǵytta áreket etsek, onda Ulttyq qorda túk te qalmaidy. Bizdiń Ulttyq qor jaily tilegimiz munaidyń barreline 100-115 dollar bolǵan kezdegidei qalyp qoiǵan.
Búgingi munaidyń baǵasy múldem basqasha. Qazir biz basqa baǵany kórip otyrmyz, sonda da qordaǵy aqshany jumsaǵysy keletinder bar. Biraq aqshany munai baǵasy 100 dollar kezinde ómir súrip jatqandai alǵymyz keledi. Sondyqtan da biz Memleket basshysyna Ulttyq qordaǵy qarajatty jumsaýdyń jańa kontseptsiiasyn usyndyq.
Prezident tujyrymdamany maquldady. Tiisti sheshimder bar. Kelesi jyldan bastap Ulttyq qordyń qarajatyn basqasha paidalanatyn bolamyz», - dedi «Atameken» UKP Prezidiýmynyń otyrysynda Saǵyntaev.
Eske salsaq, qazanda ulttyq ekonomika ministri Qýandyq Bishimbaev úsh jylda Ulttyq qor qarajatyn paidalaný kólemi azaitylatynyn habarlaǵan. «Ókinishke orai, Ulttyq qordyń qarajatyn paidalanýdan qazirgi sátte bas tarta almaimyz. Biraq, josparymyz boiynsha, 2017, 2018, 2019 jyldardan bastap úsh jyl ishinde biz biýdjet shyǵystary men Ulttyq qordan tartylatyn qarajat kólemin teńgerimdeimiz», - dep atap ótti ol.
.jpeg)