- قازاقستان پرەمەر-مينيسترٸ باقىتجان ساعىنتاەۆ 2017 جىلدان باستاپ ۇلتتىق قورداعى قاراجاتتىڭ باسقاشا جۇمسالاتىنىن مەلٸمدەدٸ, دەپ حابارلايدى "ۇلت اقپارات".
«ەلەمدەگٸ جاعداي كٷردەلٸ ەكەنٸ بارشاعا بەلگٸلٸ. مۇنى كٶرٸپ وتىرمىز. بارلىعى اقشا تەك ۇلتتىق قوردان كەلەدٸ, باسقا تيىن جوق دەدٸ. ەگەر بٸز تەك وسى باعىتتا ەرەكەت ەتسەك, وندا ۇلتتىق قوردا تٷك تە قالمايدى. بٸزدٸڭ ۇلتتىق قور جايلى تٸلەگٸمٸز مۇنايدىڭ باررەلٸنە 100-115 دوللار بولعان كەزدەگٸدەي قالىپ قويعان.
بٷگٸنگٸ مۇنايدىڭ باعاسى مٷلدەم باسقاشا. قازٸر بٸز باسقا باعانى كٶرٸپ وتىرمىز, سوندا دا قورداعى اقشانى جۇمساعىسى كەلەتٸندەر بار. بٸراق اقشانى مۇناي باعاسى 100 دوللار كەزٸندە ٶمٸر سٷرٸپ جاتقانداي العىمىز كەلەدٸ. سوندىقتان دا بٸز مەملەكەت باسشىسىنا ۇلتتىق قورداعى قاراجاتتى جۇمساۋدىڭ جاڭا كونتسەپتسيياسىن ۇسىندىق.
پرەزيدەنت تۇجىرىمدامانى ماقۇلدادى. تيٸستٸ شەشٸمدەر بار. كەلەسٸ جىلدان باستاپ ۇلتتىق قوردىڭ قاراجاتىن باسقاشا پايدالاناتىن بولامىز», - دەدٸ «اتامەكەن» ۇكپ پرەزيديۋمىنىڭ وتىرىسىندا ساعىنتاەۆ.
ەسكە سالساق, قازاندا ۇلتتىق ەكونوميكا مينيسترٸ قۋاندىق بيشٸمباەۆ ٷش جىلدا ۇلتتىق قور قاراجاتىن پايدالانۋ كٶلەمٸ ازايتىلاتىنىن حابارلاعان. «ٶكٸنٸشكە وراي, ۇلتتىق قوردىڭ قاراجاتىن پايدالانۋدان قازٸرگٸ سەتتە باس تارتا المايمىز. بٸراق, جوسپارىمىز بويىنشا, 2017, 2018, 2019 جىلداردان باستاپ ٷش جىل ٸشٸندە بٸز بيۋدجەت شىعىستارى مەن ۇلتتىق قوردان تارتىلاتىن قاراجات كٶلەمٸن تەڭگەرٸمدەيمٸز», - دەپ اتاپ ٶتتٸ ول.
.jpeg)