«Eye of the Tiger Management» promoýterlik kompaniiasy qazaqstandyq kásipqoi boksshy Sadriddin Ahmedovtiń (10-0, 9KO) kelesi jekpe-jegi qashan ótetinin jariialady, – dep habarlandy «Qazaqstan kásipqoi boksy» paraqshasynda.
Belgili bolǵanyndai, ol Kanadanyń Monreal qalasynda argentinalyq Hose Antonio Vilialobospen (12-5-2, 7KO) kezdesedi. Qos qurlyqtyń boksshylary David Leme (40-4, 34KO) men Maks Býrsak (35-5-2, 16KO) aiqasynyń anderkartynda ózara myqtyny anyqtamaq.
«Sadriddin Ahmedov óziniń jeńis seriiasyn jalǵastyrýdy kózdese, Hose Antonio Vilialoblos oǵan tuńǵysh ret jeńilis dámin tatyrýǵa tyrysady. Ahmedov – týa bitken daryn iesi, tehnikalyq ábjildigimen, kúsh-qýatymen tanylǵan erekshe boksshylardyń biri. Bul aiqasta «Q sarbazy» men argentinalyq «Tsýnamidiń» teketiresin kóresizder» delingen «Eye of the Tiger Management» kompaniiasynyń habarlamasynda.
Eske sala ketsek, Sadriddin Ahmedov kásipqoi bokstaǵy onynshy jekpe-jegin qaza aiynyń sońynda ótkizip, 31 jastaǵy meksikalyq Djonni Navarreteni (33-15-2, 15KO) tehnikalyq nokaýtpen jeńgen bolatyn.
