«Eye of the Tiger Management» پروموۋتەرلٸك كومپانيياسى قازاقستاندىق كەسٸپقوي بوكسشى سادريددين احمەدوۆتٸڭ (10-0, 9كو) كەلەسٸ جەكپە-جەگٸ قاشان ٶتەتٸنٸن جارييالادى, – دەپ حابارلاندى «قازاقستان كەسٸپقوي بوكسى» پاراقشاسىندا.
بەلگٸلٸ بولعانىنداي, ول كانادانىڭ مونرەال قالاسىندا ارگەنتينالىق حوسە انتونيو ۆيليالوبوسپەن (12-5-2, 7كو) كەزدەسەدٸ. قوس قۇرلىقتىڭ بوكسشىلارى داۆيد لەمە (40-4, 34كو) مەن ماكس بۋرساك (35-5-2, 16كو) ايقاسىنىڭ اندەركارتىندا ٶزارا مىقتىنى انىقتاماق.
«سادريددين احمەدوۆ ٶزٸنٸڭ جەڭٸس سەريياسىن جالعاستىرۋدى كٶزدەسە, حوسە انتونيو ۆيليالوبلوس وعان تۇڭعىش رەت جەڭٸلٸس دەمٸن تاتىرۋعا تىرىسادى. احمەدوۆ – تۋا بٸتكەن دارىن يەسٸ, تەحنيكالىق ەبجٸلدٸگٸمەن, كٷش-قۋاتىمەن تانىلعان ەرەكشە بوكسشىلاردىڭ بٸرٸ. بۇل ايقاستا «Q ساربازى» مەن ارگەنتينالىق «تسۋناميدٸڭ» تەكەتٸرەسٸن كٶرەسٸزدەر» دەلٸنگەن «Eye of the Tiger Management» كومپانيياسىنىڭ حابارلاماسىندا.
ەسكە سالا كەتسەك, سادريددين احمەدوۆ كەسٸپقوي بوكستاعى ونىنشى جەكپە-جەگٸن قازا ايىنىڭ سوڭىندا ٶتكٸزٸپ, 31 جاستاعى مەكسيكالىق دجونني ناۆاررەتەنٸ (33-15-2, 15كو) تەحنيكالىق نوكاۋتپەن جەڭگەن بولاتىن.
