Aqtóbede sabaq kezinde usaq shybyndarǵa qarsy ýlaý júrgizýge ruqsat bergen mektep direktoryna qatań sógis berildi, dep habarlaidy QazAqparat.
№9 mektep-gimnaziianyń direktory qalalyq bilim bólimine dezinfektsiia júrgiziletini týraly habarlamady. Oqý protsesi kezinde dezinfektsiialyq jumystar júrgizgeni úshin mektep direktoryna qatań sógis berildi. Oblystyq Bilim basqarmasynyń basshysy mektep ákimshiligimen jinalys ótkizip jatyr. Qosymsha aqparat beriledi», - dedi qalalyq bilim bóliminiń basshysy Metgúl Qosymbaeva.
Eske salaiyq, mektep basshylyǵy men dezinfektsiia jumystaryn júrgizetin mekeme arasynda kelisimshart jasalyp, shirkeilerdi ýlaý keshe, 14 qazanda sabaq kezinde júrgizilgen.
Aqtóbe oblystyq Sanitariialyq-epidemiologiialyq baqylaý basqarmasynyń habarlaýynsha, óńdeý júrgiziletin jerlerde óńdeýge qatysy joq adamdardyń bolýyna ruqsat etilmeidi. Sol sebepti qazir tekserý júrip jatyr.
Al «Dezinsektsiia qyzmeti» meditsinalyq mekemesi ýlaý kezinde shirkeige, usaq jándikke arnalǵan «K-Otrin SK 50» insektitsid preparatyn qoldanǵanyn aitty. Olar nysandar ishin taraqandar men shybyn-shirkeige qarsy ýlaýda qoldanylady.
«Ýlaýda ystyq tuman ádisi qoldanyldy. Bul preparat 12.1.007-76 Memlekettik standarty boiynsha aǵzaǵa qaýipsizdigi tómen 4-sanatqa jatady», - dep jazylǵan «Qyzmet kórsetý» meditsinalyq mekemesiniń habarlamasynda.
