اقتٶبەدە ساباق كەزٸندە ۇساق شىبىندارعا قارسى ۋلاۋ جٷرگٸزۋگە رۇقسات بەرگەن مەكتەپ ديرەكتورىنا قاتاڭ سٶگٸس بەرٸلدٸ, دەپ حابارلايدى قازاقپارات.
№9 مەكتەپ-گيمنازييانىڭ ديرەكتورى قالالىق بٸلٸم بٶلٸمٸنە دەزينفەكتسييا جٷرگٸزٸلەتٸنٸ تۋرالى حابارلامادى. وقۋ پروتسەسٸ كەزٸندە دەزينفەكتسييالىق جۇمىستار جٷرگٸزگەنٸ ٷشٸن مەكتەپ ديرەكتورىنا قاتاڭ سٶگٸس بەرٸلدٸ. وبلىستىق بٸلٸم باسقارماسىنىڭ باسشىسى مەكتەپ ەكٸمشٸلٸگٸمەن جينالىس ٶتكٸزٸپ جاتىر. قوسىمشا اقپارات بەرٸلەدٸ», - دەدٸ قالالىق بٸلٸم بٶلٸمٸنٸڭ باسشىسى مەتگٷل قوسىمباەۆا.
ەسكە سالايىق, مەكتەپ باسشىلىعى مەن دەزينفەكتسييا جۇمىستارىن جٷرگٸزەتٸن مەكەمە اراسىندا كەلٸسٸمشارت جاسالىپ, شٸركەيلەردٸ ۋلاۋ كەشە, 14 قازاندا ساباق كەزٸندە جٷرگٸزٸلگەن.
اقتٶبە وبلىستىق سانيتارييالىق-ەپيدەميولوگييالىق باقىلاۋ باسقارماسىنىڭ حابارلاۋىنشا, ٶڭدەۋ جٷرگٸزٸلەتٸن جەرلەردە ٶڭدەۋگە قاتىسى جوق ادامداردىڭ بولۋىنا رۇقسات ەتٸلمەيدٸ. سول سەبەپتٸ قازٸر تەكسەرۋ جٷرٸپ جاتىر.
ال «دەزينسەكتسييا قىزمەتٸ» مەديتسينالىق مەكەمەسٸ ۋلاۋ كەزٸندە شٸركەيگە, ۇساق جەندٸككە ارنالعان «ك-وترين سك 50» ينسەكتيتسيد پرەپاراتىن قولدانعانىن ايتتى. ولار نىساندار ٸشٸن تاراقاندار مەن شىبىن-شٸركەيگە قارسى ۋلاۋدا قولدانىلادى.
«ۋلاۋدا ىستىق تۇمان ەدٸسٸ قولدانىلدى. بۇل پرەپارات 12.1.007-76 مەملەكەتتٸك ستاندارتى بويىنشا اعزاعا قاۋٸپسٸزدٸگٸ تٶمەن 4-ساناتقا جاتادى», - دەپ جازىلعان «قىزمەت كٶرسەتۋ» مەديتسينالىق مەكەمەسٸنٸڭ حابارلاماسىندا.
