Bilim jáne ǵylym ministri Ashat Aimaǵambetov Tatarstannyń Qazan qalasynda bolǵan jaǵdaiǵa bailanysty pikir bildirdi, dep habarlaidy "Ult aqparat".
«Qazan qalasynyń mektebinde bolǵan terrorlyq akt kezinde qaza tapqandardyń otbasylaryna qaiǵyryp kóńil aitamyn. Qaiǵyly jaǵdai eshkimdi beijai qaldyrǵan joq, árqaisymyzdyń júregimizge aýyr tiip, zor kúizelispen qabyldadyq. Biz osy qaiǵyly oqiǵalardan sabaq alýymyz kerek. Keshe osy máseleler boiynsha keńes ótkizdim. Aǵymdaǵy jaǵdaiǵa taldaý júrgizýdi jáne jaqyn arada balalardyń qaýipsizdigin qamtamasyz etý boiynsha barlyq deńgeilerde qosymsha keshendi sharalar qabyldaýdy tapsyrdym» dep jazdy ministr Facebook paraqshasynda.
Ashat Aimaǵambetovtyń aitýynsha, bul tek baqylaý kameralary, ótkizý rejimi, kúzet dabyly, dabyl túimeleri ǵana emes, sonymen qatar tótenshe jaǵdaidaǵy qyzmetkerler men oqýshylardyń minez-qulqy máselesi de asa mańyzdy. Kóp nárse naqty jáne damyǵan áreketterge bailanysty.
«Psihologiialyq qyzmetterdiń jumysyna jáne qolaily jaǵdailar jasaýǵa nazar aýdarý kerek. Bul - úlken jáne birlesken jumys. Balalar – biz úshin eń qymbat jáne olardyń qaýipsiz bolýyna bar jaǵdaidy jasaýymyz qajet» dep túiindedi sózin Bilim jáne ǵylym ministri.
Eske sala keteiik, 11 mamyrda Qazan qalasy Faizi kóshesindegi mektepte eki adam oq jaýdyrǵan bolatyn.
Buǵan deiin atys kezinde 9 adam qaza taýyp, taǵy 21 adam zardap shekkeni habarlanǵan edi.
Aita keteiik, memleket basshysy Qasym-Jomart Toqaev Qazan qalasyndaǵy gimnaziiada reseilik oqýshylardyń qaza tabýyna bailanysty Resei Federatsiiasynyń Prezidenti Vladimir Pýtinge kóńil aitty.
Qaiǵyly jaǵdaiǵa bailanysty Tatarstan Prezidenti Rýstam Minnihanov 12 mamyrdy respýblikada aza tutý kúni dep jariialady.
