Ulttyq ekonomika ministri Rýslan Dálenov Doing Business reitingi aiasynda elimizdiń pozitsiiasyn jaqsartý josparlarymen bólisti, dep habarlaidy QazAqparat.
«Doing Business halyqaralyq reitinginde Qazaqstanda biznes júrgizý jaǵdaiyn jetildirý boiynsha júrgizilip jatqan jumys oń baǵa aldy. Búginde reitingide Qazaqstan 25-shi orynda tur. Endi osy pozitsiiany jaqsartý mańyzdy», - dedi R. Dálenov onlain rejimde halyq aldynda esep berý barysynda.
Osy oraida ol bul sharalar tek kórsetkishter úshin jasalmaitynyn atap ótti.
«Bul qadamdar aiasynda joǵary pozitsiiany saqtaý kásipkerlikti damytý úshin zańnamany turaqty jetildirýdi bildiredi», - dedi ministr.
Onyń sózine qaraǵanda, kósh bastap turǵan indikatorlar arasynda sharttardy oryndaýdy qamtamasyz etý, investorlardy qorǵaý men kásiporyndardy tirkeý baǵyttary bar.
«Sonymen qatar, halyqaralyq saýda boiynsha, elektr energiiasymen qamtamasyz etý júiesine qosylý baǵyttaryn jaqsartý kerek. Osy baǵyttaǵy jumystar jalǵasýda», - dedi R. Dálenov.
