ۇلتتىق ەكونوميكا مينيسترٸ رۋسلان دەلەنوۆ Doing Business رەيتينگٸ اياسىندا ەلٸمٸزدٸڭ پوزيتسيياسىن جاقسارتۋ جوسپارلارىمەن بٶلٸستٸ, دەپ حابارلايدى قازاقپارات.
«Doing Business حالىقارالىق رەيتينگٸندە قازاقستاندا بيزنەس جٷرگٸزۋ جاعدايىن جەتٸلدٸرۋ بويىنشا جٷرگٸزٸلٸپ جاتقان جۇمىس وڭ باعا الدى. بٷگٸندە رەيتينگٸدە قازاقستان 25-شٸ ورىندا تۇر. ەندٸ وسى پوزيتسييانى جاقسارتۋ ماڭىزدى», - دەدٸ ر. دەلەنوۆ ونلاين رەجيمدە حالىق الدىندا ەسەپ بەرۋ بارىسىندا.
وسى ورايدا ول بۇل شارالار تەك كٶرسەتكٸشتەر ٷشٸن جاسالمايتىنىن اتاپ ٶتتٸ.
«بۇل قادامدار اياسىندا جوعارى پوزيتسييانى ساقتاۋ كەسٸپكەرلٸكتٸ دامىتۋ ٷشٸن زاڭنامانى تۇراقتى جەتٸلدٸرۋدٸ بٸلدٸرەدٸ», - دەدٸ مينيستر.
ونىڭ سٶزٸنە قاراعاندا, كٶش باستاپ تۇرعان ينديكاتورلار اراسىندا شارتتاردى ورىنداۋدى قامتاماسىز ەتۋ, ينۆەستورلاردى قورعاۋ مەن كەسٸپورىنداردى تٸركەۋ باعىتتارى بار.
«سونىمەن قاتار, حالىقارالىق ساۋدا بويىنشا, ەلەكتر ەنەرگيياسىمەن قامتاماسىز ەتۋ جٷيەسٸنە قوسىلۋ باعىتتارىن جاقسارتۋ كەرەك. وسى باعىتتاعى جۇمىستار جالعاسۋدا», - دەدٸ ر. دەلەنوۆ.
