Ózgeshe bolatynyna senimsiz edik. Óitkeni qazaq qazir ne izdep júrgenin ózi de asa ańǵarmaidy. Qumardy qaidan basatynyn da anyq oilamaidy. Anyǵy qazir qazaq ózgeriske ushyraý barysynda...
Olai deitinim, aýylǵa barǵanda shidiń ústindegi qurtty kórmeimin. Kelini túietin kelindi de emge taba almaisyń. Mal jailaityndardyń sany kemip keledi. Mal basy ósti ǵoi, malǵa qaraityndardy aitamyz. Qaimaqpen kúreń shaidy ishetinder azaidy. Shoqtyń ústindegi sháinekten toktyń ústindegi sháinek kóbeidi. Sheshelerimiz ulttyq taǵamnyń túr-túrin usynýshy edi. Qazir ettiń súri eki úidiń birinen tabyla salmaidy.
Olai oilaýǵa negiz kóp. Qazaq ánnniń keteýi ketkenin tyńdaityn boldy. Tyńdai júrip bileitin, bilei júrip tyńdaityn kúige tústi. Jahandaný? Múmkin. Mádeniettiń alǵa basqany? Joq, kerisinshe keri ketkeni.
Qazaq ósekke jaqyn júr. Joqtan ózgeni qazady. Boqtan ózgeni jazyp boldy. Talasbek kinosynda Birjanǵa bylai degizedi: «Qazaq qartaiypty ǵoi». Qandai qatal sheshim! Eriksiz, májbúrlikten baryp otyr. Májbúr etken ózimiz!
Qazaq daladan dana emes, bala izdedi.
Qazaq qazaqty tanýdan qalyp barady. Qazaq qazaqty moiyndaýdan ketip barady.
Qyzyq boldy. Qyzyq emes-aý, shyjyq boldy. Ýniversitetke sabaq berýdi usynǵan. Ózimiz kórgen ustazdarǵa uqsaýǵa tyrysyp, shama kelgenshe daiyndaldyq. Aýditoriiaǵa imene enip, shákirtterge bilgenimizdi aita bastadyq. Úrpeiisip, qaraidy. Arada bailanys joq. Sózimiz dalaǵa ketken sekildi. Sińbeidi. Sińdire almaimyz. Bizdiń nasharlyq. Biraq olardyń da qabyldaý qasietteri kemigen eken.
Shyjyq mynaý: Qazaq elindegi on myqty jýrnalisti atańdar dedik. Kim joq deisiń. Artýr Platonov, Aigúlder júr. Azamat Surypbaevty da kórdik-aý deimin. Oilaǵan edik, Sher-aǵań, Seidańdarǵa deiin túser ma eken, joq burynǵy býyndy jaǵalaýmen shektele me dep... Oimyzdyń oirany shyqty. Olardyń «qaimaǵy» ózgeler eken. «Tym bolmasa Qainar Oljai men Nurtóre Júsipti qosý kerek edi-aý». «A, aǵai ákeńiz jaza salaiyq». Tezekbaev eske tústi. Sabaq bergen. Birtúrli kúletin edi. Jaýap onsha shyqpaǵan sátte. Shymshyp, kúledi. Kúlkimen shymshityn.
«Qazaq, rýhani kósemiń kim?», - degen saýal tastap edik.... Laik sany alty, pikir ekige jetipti... Rýhani jańǵyrǵan el emes pe... rýhani kósemniń ne keregi bar, iia?
Amangeldi Seithannyń feisbýktegi jazbasynan
