ٶزگەشە بولاتىنىنا سەنٸمسٸز ەدٸك. ٶيتكەنٸ قازاق قازٸر نە ٸزدەپ جٷرگەنٸن ٶزٸ دە اسا اڭعارمايدى. قۇماردى قايدان باساتىنىن دا انىق ويلامايدى. انىعى قازٸر قازاق ٶزگەرٸسكە ۇشىراۋ بارىسىندا...
ولاي دەيتٸنٸم, اۋىلعا بارعاندا شيدٸڭ ٷستٸندەگٸ قۇرتتى كٶرمەيمٸن. كەلٸنٸ تٷيەتٸن كەلٸندٸ دە ەمگە تابا المايسىڭ. مال جايلايتىنداردىڭ سانى كەمٸپ كەلەدٸ. مال باسى ٶستٸ عوي, مالعا قارايتىنداردى ايتامىز. قايماقپەن كٷرەڭ شايدى ٸشەتٸندەر ازايدى. شوقتىڭ ٷستٸندەگٸ شەينەكتەن توكتىڭ ٷستٸندەگٸ شەينەك كٶبەيدٸ. شەشەلەرٸمٸز ۇلتتىق تاعامنىڭ تٷر-تٷرٸن ۇسىنۋشى ەدٸ. قازٸر ەتتٸڭ سٷرٸ ەكٸ ٷيدٸڭ بٸرٸنەن تابىلا سالمايدى.
ولاي ويلاۋعا نەگٸز كٶپ. قازاق ەنننٸڭ كەتەۋٸ كەتكەنٸن تىڭدايتىن بولدى. تىڭداي جٷرٸپ بيلەيتٸن, بيلەي جٷرٸپ تىڭدايتىن كٷيگە تٷستٸ. جاھاندانۋ? مٷمكٸن. مەدەنيەتتٸڭ العا باسقانى? جوق, كەرٸسٸنشە كەرٸ كەتكەنٸ.
قازاق ٶسەككە جاقىن جٷر. جوقتان ٶزگەنٸ قازادى. بوقتان ٶزگەنٸ جازىپ بولدى. تالاسبەك كينوسىندا بٸرجانعا بىلاي دەگٸزەدٸ: «قازاق قارتايىپتى عوي». قانداي قاتال شەشٸم! ەرٸكسٸز, مەجبٷرلٸكتەن بارىپ وتىر. مەجبٷر ەتكەن ٶزٸمٸز!
قازاق دالادان دانا ەمەس, بالا ٸزدەدٸ.
قازاق قازاقتى تانۋدان قالىپ بارادى. قازاق قازاقتى مويىنداۋدان كەتٸپ بارادى.
قىزىق بولدى. قىزىق ەمەس-اۋ, شىجىق بولدى. ۋنيۆەرسيتەتكە ساباق بەرۋدٸ ۇسىنعان. ٶزٸمٸز كٶرگەن ۇستازدارعا ۇقساۋعا تىرىسىپ, شاما كەلگەنشە دايىندالدىق. اۋديتوريياعا يمەنە ەنٸپ, شەكٸرتتەرگە بٸلگەنٸمٸزدٸ ايتا باستادىق. ٷرپەيٸسٸپ, قارايدى. ارادا بايلانىس جوق. سٶزٸمٸز دالاعا كەتكەن سەكٸلدٸ. سٸڭبەيدٸ. سٸڭدٸرە المايمىز. بٸزدٸڭ ناشارلىق. بٸراق ولاردىڭ دا قابىلداۋ قاسيەتتەرٸ كەمٸگەن ەكەن.
شىجىق مىناۋ: قازاق ەلٸندەگٸ ون مىقتى جۋرناليستٸ اتاڭدار دەدٸك. كٸم جوق دەيسٸڭ. ارتۋر پلاتونوۆ, ايگٷلدەر جٷر. ازامات سۇرىپباەۆتى دا كٶردٸك-اۋ دەيمٸن. ويلاعان ەدٸك, شەر-اعاڭ, سەيداڭدارعا دەيٸن تٷسەر ما ەكەن, جوق بۇرىنعى بۋىندى جاعالاۋمەن شەكتەلە مە دەپ... ويمىزدىڭ ويرانى شىقتى. ولاردىڭ «قايماعى» ٶزگەلەر ەكەن. «تىم بولماسا قاينار ولجاي مەن نۇرتٶرە جٷسٸپتٸ قوسۋ كەرەك ەدٸ-اۋ». «ا, اعاي ەكەڭٸز جازا سالايىق». تەزەكباەۆ ەسكە تٷستٸ. ساباق بەرگەن. بٸرتٷرلٸ كٷلەتٸن ەدٸ. جاۋاپ ونشا شىقپاعان سەتتە. شىمشىپ, كٷلەدٸ. كٷلكٸمەن شىمشيتىن.
«قازاق, رۋحاني كٶسەمٸڭ كٸم?», - دەگەن ساۋال تاستاپ ەدٸك.... لايك سانى التى, پٸكٸر ەكٸگە جەتٸپتٸ... رۋحاني جاڭعىرعان ەل ەمەس پە... رۋحاني كٶسەمنٸڭ نە كەرەگٸ بار, ييا?
امانگەلدٸ سەيتحاننىڭ فەيسبۋكتەگٸ جازباسىنان
