Qostanai oblysynda 2019 jyly týǵan búldirshin eki qabatty kóppáterli turǵyn úidiń ekinshi qabatynyń terezesinen qulap, aman qaldy, dep habarlaidy "Ult aqparat" oblystyq TJD baspasóz qyzmetine silteme jasap.
Oqiǵa 26 qańtar saǵat 16:35 kezinde Rýdnyi qalasynyń Tobyl kóshesinde bolǵan.
2 jasar bala úiinde 20 jastaǵy ápkesimen birge bolǵan.
Ápkesi qonaq bólmede otyrǵanda, sábi as úidegi tereze mańynda oinap janynda oinap júrgen.
Kenet ol ashyq qalǵan terezeden syrtqa qulap ketken.
Abyroi bolǵanda bala úiilgen qardyń ústine túsken. Kishkentai qyz birden Rýdnyi kópsalaly aýrýhanasyna jetkizildi.
«Tekserýden keiin balalar bóliminiń dárigerleri onyń ómirine esh qaýip tónip turmaǵanyn aityp, aýrýhanaǵa jatqyzýdyń qajeti joq degen qorytyndyǵa keldi. Qazirgi ýaqytta bala úide ata-anasynyń qaraýynda» deidi vedomstvonyń baspasóz hatshysy Ýálihan Dosanov.
Oblystyq TJD balalardy úide qaraýsyz qaldyrmaýǵa, qaýipsizdik erejelerin barynsha saqtaýǵa shaqyrady.
Sonymen qatar terezelerge qaýipsizdik toryn ornatýdy usynady.
