Qostanai oblysynda 1 tamyz ben 30 qyrkúiek aralyǵynda vaktsinanyń birinshi komponentin alǵan turǵyndar arasynda avtomobil utys oiyny ótkizildi, dep habarlaidy QazAqparat.
Oiynǵa aimaqta vaktsina alǵan 73 myńnan astam adam qatysty. Jeńimpazdy arnaiy baǵdarlama arqyly tańdaǵan.
Oiyn qorytyndysy boiynsha, Rýdnyi qalasynyń 69 jastaǵy turǵyny Natalia Fedorovna Blým jeńimpaz atanǵan.
Utys oiynyn uiymdastyrýshylar oǵan tikelei efir arqyly habarlasty. Natalia Fiodorovna óz baǵyna sene qoiǵan joq.
«Bul qyzyq jaǵdai boldy. Iá, men 1 tamyz ben 30 qyrkúiek aralyǵynda vaktsina saldyrttym. Biraq sene alar emespin!», - dedi jeńimpaz telefon arqyly.
Oblystyq densaýlyq saqtaý basqarmasynan baiandaǵandai, tamyz aiynyń basynda Qostanai oblysy turǵyndarynyń arasynda «Chevrolet Nexia» kóligin oinatý týraly jariialanǵan.
Vedomstvonyń málimetinshe, 1 aqpannan bastap birinshi oblysta vaktsinanyń komponentin saldyrtqandar sany 320 myń adam bolsa, ekinshi komponent 293 myń adamǵa egildi, jalpy qamtý 58 paiyzdy quraǵan.
Aimaqta vaktsina egilýi tiis 505 myń adam bar. Oblysta 190 ekpe salý pýnkti jumys isteýde.
Buǵan deiin vaktsina alǵan oblys turǵyndarynyń arasynda 10 aifon oinatylǵan.
