قوستاناي وبلىسىندا 1 تامىز بەن 30 قىركٷيەك ارالىعىندا ۆاكتسينانىڭ بٸرٸنشٸ كومپونەنتٸن العان تۇرعىندار اراسىندا اۆتوموبيل ۇتىس ويىنى ٶتكٸزٸلدٸ, دەپ حابارلايدى قازاقپارات.
ويىنعا ايماقتا ۆاكتسينا العان 73 مىڭنان استام ادام قاتىستى. جەڭٸمپازدى ارنايى باعدارلاما ارقىلى تاڭداعان.
ويىن قورىتىندىسى بويىنشا, رۋدنىي قالاسىنىڭ 69 جاستاعى تۇرعىنى ناتاليا فەدوروۆنا بلۋم جەڭٸمپاز اتانعان.
ۇتىس ويىنىن ۇيىمداستىرۋشىلار وعان تٸكەلەي ەفير ارقىلى حابارلاستى. ناتاليا فيودوروۆنا ٶز باعىنا سەنە قويعان جوق.
«بۇل قىزىق جاعداي بولدى. يە, مەن 1 تامىز بەن 30 قىركٷيەك ارالىعىندا ۆاكتسينا سالدىرتتىم. بٸراق سەنە الار ەمەسپٸن!», - دەدٸ جەڭٸمپاز تەلەفون ارقىلى.
وبلىستىق دەنساۋلىق ساقتاۋ باسقارماسىنان بايانداعانداي, تامىز ايىنىڭ باسىندا قوستاناي وبلىسى تۇرعىندارىنىڭ اراسىندا «Chevrolet Nexia» كٶلٸگٸن ويناتۋ تۋرالى جارييالانعان.
ۆەدومستۆونىڭ مەلٸمەتٸنشە, 1 اقپاننان باستاپ بٸرٸنشٸ وبلىستا ۆاكتسينانىڭ كومپونەنتٸن سالدىرتقاندار سانى 320 مىڭ ادام بولسا, ەكٸنشٸ كومپونەنت 293 مىڭ ادامعا ەگٸلدٸ, جالپى قامتۋ 58 پايىزدى قۇراعان.
ايماقتا ۆاكتسينا ەگٸلۋٸ تيٸس 505 مىڭ ادام بار. وبلىستا 190 ەكپە سالۋ پۋنكتٸ جۇمىس ٸستەۋدە.
بۇعان دەيٸن ۆاكتسينا العان وبلىس تۇرعىندارىنىڭ اراسىندا 10 ايفون ويناتىلعان.
