Jylda 7 qańtar kúni toilanatyn pravoslavielik Rojdestvo Hristovo merekesi 2018 jyly jeksenbige kelip tur, - dep habarlaidy "Ult aqparat".
"Qazaqstan Respýblikasyndaǵy merekeler týraly" Zańǵa sáikes, mereke kúni demalys kúnderine sáikes kelse, kelesi jumys kúni demalys beriledi. Alaida, 7 qańtar Rojdestvo merekesi men Qurban aittyń birinshi kúni bul zańdaǵy ulttyq nemese memlekettik merekeler tizimine kirmeidi.
Sondyqtan, demalys kúni dúisenbige aýystyrylmaidy.
Óz kezeginde, "merekelik kúnder" uǵymyna Qazaqstan Respýblikasynyń ulttyq jáne memlekettik merekeleriniń kúnderi kiredi. "Qazaqstan Respýblikasyndaǵy merekeler týraly" Zańǵa sáikes, ulttyq merekeler - Qazaqstan Respýblikasynda eleýli oqiǵalarǵa arnalǵan, tarihi máni bar, Qazaqstan memlekettiginiń damýyna aitarlyq yqpaly bar merekeler, memlekettik merekeler - qoǵamdyq-saiasi máni bar, Qazaqstan Respýblikasynyń azamattary dástúrli túrde atap ótetin oqiǵalarǵa arnalǵan merekeler.
Memlekettik merekeler:
1-2 qańtar - Jańa jyl; 8 naýryz - Halyqaralyq áielder kúni;21-23 naýryz - Naýryz meiramy; 1 mamyr - Qazaqstan halqynyń birligi merekesi; 7 mamyr - Otanqorǵaýshy kúni; 9 mamyr - Jeńis kúni; 6 shilde - Astana kúni; 30 tamyz - Qazaqstan Respýblikasynyń Konstitýtsiiasy kúni; 1 jeltoqsan - Qazaqstan Respýblikasynyń Tuńǵysh Prezidenti kúni.Qazaqstandyqtardyń 2018 jyly neshe kún demalatyny jáne jumys kúnderine qandai merekelik kúnderdiń aýystyrylatyny týraly tolyǵyraq myna jerde oqýǵa bolady.
