Sýret ashyq derekkózden alyndy
QR Premer-Ministriniń birinshi orynbasary Roman Skliar jeńildetilgen avtonesieniń nege qaita jandanbai jatqanyn túsindirdi, dep habarlaidy QazAqparat.
«Jeńildetilgen avtonesieniń kezekti tolqyny jandanatyny týraly málimetter aitylǵan. Sol is nege toqtap tur? Aqsha jetpei jatyr ma, álde aqparattyq júiede aqaý bar ma?» dep surady BAQ ókili.
Roman Skliardyń aitýynsha, baǵdarlamanyń endigi qarqyny buǵan deiin nesie alǵandardyń qaryzyn ýaqtyly tólep turǵanyna bailanysty.
«Báiterek» holdinginiń maǵan baiandaǵan málimeti boiynsha, revolverlik negizde belgili bir mólsherde qarjy jinaqtalý kerek. Ol aqsha kelesi transhpen jeńildetilgen avtonesie retinde basqa azamattarǵa berilýge tiis. Qazir 188 mlrd teńge revolverlik negizde osy júie boiynsha igerilip jatyr. Bul jumys jalǵasady.
Tolyq túsinikteme alý úshin Damý qoryna habarlasyńyz», - dedi vitse-premer.
