سۋرەت اشىق دەرەككٶزدەن الىندى
قر پرەمەر-مينيسترٸنٸڭ بٸرٸنشٸ ورىنباسارى رومان سكليار جەڭٸلدەتٸلگەن اۆتونەسيەنٸڭ نەگە قايتا جاندانباي جاتقانىن تٷسٸندٸردٸ, دەپ حابارلايدى قازاقپارات.
«جەڭٸلدەتٸلگەن اۆتونەسيەنٸڭ كەزەكتٸ تولقىنى جانداناتىنى تۋرالى مەلٸمەتتەر ايتىلعان. سول ٸس نەگە توقتاپ تۇر? اقشا جەتپەي جاتىر ما, ەلدە اقپاراتتىق جٷيەدە اقاۋ بار ما?» دەپ سۇرادى باق ٶكٸلٸ.
رومان سكلياردىڭ ايتۋىنشا, باعدارلامانىڭ ەندٸگٸ قارقىنى بۇعان دەيٸن نەسيە العانداردىڭ قارىزىن ۋاقتىلى تٶلەپ تۇرعانىنا بايلانىستى.
«بەيتەرەك» حولدينگٸنٸڭ ماعان بايانداعان مەلٸمەتٸ بويىنشا, رەۆولۆەرلٸك نەگٸزدە بەلگٸلٸ بٸر مٶلشەردە قارجى جيناقتالۋ كەرەك. ول اقشا كەلەسٸ ترانشپەن جەڭٸلدەتٸلگەن اۆتونەسيە رەتٸندە باسقا ازاماتتارعا بەرٸلۋگە تيٸس. قازٸر 188 ملرد تەڭگە رەۆولۆەرلٸك نەگٸزدە وسى جٷيە بويىنشا يگەرٸلٸپ جاتىر. بۇل جۇمىس جالعاسادى.
تولىق تٷسٸنٸكتەمە الۋ ٷشٸن دامۋ قورىنا حابارلاسىڭىز», - دەدٸ ۆيتسە-پرەمەر.
