مەملەكەت باسشىسىنىڭ تاپسىرماسىنا سەيكەس, 2029 جىلدىڭ سوڭىنا دەيٸن ەلٸمٸزدٸڭ بارلىق ٶڭٸرلەرٸندە ەلەۋمەتتٸك, كٶلٸك جەنە ينجەنەرلٸك ينفراقۇرىلىم جوبالارىن جٷزەگە اسىرۋعا ۇلتتىق قوردان شامامەن 6,5 ترلن تەڭگە باعىتتالادى. بۇل تۋرالى پرەمەر-مينيستردٸڭ بٸرٸنشٸ ورىنباسارى نۇرلىبەك نەلٸباەۆ ايتتى, دەپ حابارلايدى ult.kz.
ٷكٸمەت ٷيٸندە مەملەكەت باسشىسىنىڭ «جاڭا تاريحي كەزەڭدەگٸ قازاقستاننىڭ ٶزەكتٸ مٸندەتتەرٸ» اتتى جولداۋىندا بەرٸلگەن مٸندەتتەر اياسىندا ەكونوميكانىڭ ناقتى سەكتورىن دامىتۋ مەسەلەلەرٸ تۋرالى باسپاسٶز كونفەرەنتسيياسى ٶتۋدە. وندا بٸرٸنشٸ ۆيتسە-پرەمەر باستاعان سالالىق مينيسترلەر باق ٶكٸلدەرٸنٸڭ سۇراقتارىنا جاۋاپ بەرۋدە.
«پرەزيدەنتٸمٸز قاسىم-جومارت كەمەلۇلى توقاەۆتىڭ باسشىلىعىمەن قازاقستان دامۋدىڭ جاڭا تاريحي كەزەڭٸنە قادام باسىپ وتىر. ٶزدەرٸڭٸزگە مەلٸم, ەلٸمٸز اۋقىمدى ساياسي رەفورمالاردى تابىستى جٷزەگە اسىردى. ونىڭ اياسىندا حالقىمىزدىڭ ەل-اۋقاتىن ارتتىرۋعا باعىتتالعان اسا ماڭىزدى باستامالار قولعا الىندى. مەملەكەت باسشىمىز حالىققا جولداۋىندا ەكونوميكامىزدىڭ ورنىقتى دامۋى مەن ەلدٸڭ تۇرمىس ساپاسىن ودان ەرٸ جاقسارتۋعا تٸكەلەي ىقپال ەتەتٸن ماڭىزدى ماقسات-مٸندەتتەردٸ ايقىنداپ بەردٸ.
وسى ورايدا پرەزيدەنتٸمٸز 2027 جىلدى جالپىۇلتتىق اۋقىمدى قۇرىلىس جىلى دەپ جارييالادى. مەملەكەت باسشىسىنىڭ تاپسىرماسىنا سەيكەس, 2029 جىلدىڭ سوڭىنا دەيٸن ەلٸمٸزدٸڭ بارلىق ٶڭٸرلەرٸندە ەلەۋمەتتٸك, كٶلٸك جەنە ينجەنەرلٸك ينفراقۇرىلىم جوبالارىن جٷزەگە اسىرۋعا ۇلتتىق قوردان شامامەن 6,5 ترلن تەڭگە باعىتتالادى. بۇل جۇمىستار باستالىپ تا كەتتٸ. قۇرىلعان ينفراقۇرىلىمدى دامىتۋ قورى اياسىندا جالپى سوماسى 1,5 ترلن تەڭگەنٸ قۇرايتىن 262 جوبا ماقۇلداندى. بٸرٸنشٸ كەزەكتە قوماقتى قاراجات ەلەۋمەتتٸك ينفراقۇرىلىمدى دامىتۋعا باعىتتالۋدا», — دەدٸ پرەمەر-مينيستردٸڭ بٸرٸنشٸ ورىنباسارى.
اتاپ ايتقاندا:
- دەنساۋلىق ساقتاۋ سالاسىندا – جالپى قۇنى 344 ملرد تەڭگەنٸ قۇرايتىن 41 جوبا جٷزەگە اسىرىلادى. بۇل قاراجاتقا جاڭا اۋرۋحانالار, ەمحانالار, پەريناتالدىق ورتالىقتار مەن پەرزەنتحانالار سالىنادى.
- مەدەنيەت, تۋريزم جەنە سپورت سالالارىنا 266 ملرد تەڭگە باعىتتالىپ, 23 نىسان سالىنادى. ولاردىڭ قاتارىندا سپورت كەشەندەرٸ, مەدەنيەت سارايلارى, تەاترلار جەنە باسقا دا ەلەۋمەتتٸك ماڭىزدى نىساندار بوي كٶتەرەدٸ.
- بٸلٸم بەرۋ سالاسىندا مەكتەپتەر مەن كٶپفۋنكتسيونالدى كەشەندەردٸڭ قۇرىلىسىن قوسا العاندا 101 ملرد تەڭگەگە 28 جوبا جٷزەگە اسىرىلادى.
- كٶلٸك ينفراقۇرىلىمىن دامىتۋعا 369 ملرد تەڭگە قاراستىرىلعان. بۇل قاراجاتقا بٸرقاتار كٷرە جولدار قايتا جاڭعىرتۋدان ٶتەدٸ, جاڭا اۆتوموبيل جولدارى, كٶپٸرلەر سالىنىپ, 48 جوبا جٷزەگە اسىرىلادى.
- سۋمەن جابدىقتاۋ جەنە سۋ بۇرۋ جٷيەلەرٸن دامىتۋعا – 284 ملرد تەڭگە باعىتتالىپ, 55 نىسان قامتىلادى. ولاردىڭ قاتارىندا ماگيسترالدىق سۋ قۇبىرلارى, تازارتۋ قۇرىلىستارى, قورعانىس بٶگەتتەرٸ مەن سۋ بٶگەتتەرٸ بار.
- جىلۋمەن جەنە گازبەن جابدىقتاۋ جٷيەلەرٸن دامىتۋ بويىنشا 67 جوبانى جٷزەگە اسىرۋعا 136 ملرد تەڭگە قارالعان.
«بۇل قاعاز بەتٸندەگٸ عانا جوسپار ەمەس. وسى 122 جوبانى جٷزەگە اسىرۋعا قازٸردٸڭ ٶزٸندە ناقتى 497 ملرد تەڭگە قارجى بٶلٸندٸ. ينفراقۇرىلىمدى جاڭعىرتۋعا باعىتتالاتىن 6,5 ترلن تەڭگەنٸڭ بارلىعى ٷكٸمەتتٸڭ قاتاڭ باقىلاۋىندا بولاتىنىن ەرەكشە اتاپ ٶتكٸم كەلەدٸ», — دەدٸ نۇرلىبەك نەلٸباەۆ.
