Qazaqstandyq Zarina Diias Parijde ótip jatqan Rolan Garros týrniriniń úshinshi ainalymyna shyǵa almady, dep habarlaidy "Ult aqparat".
Dúniejúzilik reitingte 93-orynda turǵan Z.Diias ekinshi ainalymda álemniń 15-inshi, osy dodanyń 14-raketkasy, belgiialyq Eliza Mertenspen sheberlik baiqasty.
Buǵan deiin qarsylastar ótken jyly Federatsiia kýbogynda kezdesip, onda belgiialyq sportshy 1:6, 6:2, 6:1 esebimen jeńiske jetken edi.
Bul joly birinshi partiiada E.Mertens 4:2 esebimen alda turdy. Degenmen Zarina qatarynan tórt geimdi aldy – 6:4.
Ekinshi sette belgiialyq tennisshi aiqyn basymdylyq kórsetti – 6:2.
Úshinshi, sheshýshi partiiada esep 3:3 bolǵan mezette E.Mertens breik jasap ketti. Aqyry matchqa dop bergende, jeńisti julyp aldy – 6:4.
Tartysty ótken báseke 2 saǵat 27 minýtqa sozyldy.
E.Mertens úshinshi ainalymda álemniń 18-raketkasy, grekiialyq Mariia Sakkarimen kezdesedi.
Z.Diias óz sporttyq jolynda buǵan deiin de Rolan Garros týrniriniń úshinshi ainalymyna shyǵa almaǵan edi.
Eske sala keteiik, budan buryn Iýliia Pýtintsevanyń juptyq synda Rolan Garros týrniriniń ekinshi ainalymyna ótkenin, Elena Rybakinanyń alǵash ret úshinshi ainalymǵa shyqqanyn jazǵan bolatynbyz.
Sondai-aq qazaqstandyq tennisshiler juptyq básekelerin sátti ótkizýde.
A.Býblik pen A.Golýbev juptyq synda úshinshi ainalymǵa shyqty.
