Áleýmettik jelide Májilis depýtaty Rinat Zaiytovtyń qatysýymen túsirilgen eski video qyzý talqyǵa tústi, dep habarlaidy ult.kz.
Kadrlarda bir top er adamnyń janjaldasyp, arty tóbeleske ulasqan sáti beinelengen. Sonymen qatar videoda qarýǵa uqsas zattyń da kórinetini baiqalady. Jeli qoldanýshylary jazbany jappai bólisip, túrli pikir bildirýde.
Keibir qoldanýshylar depýtattyń ótken ómirindegi oqiǵalardy qazir qaita kóterýdiń qajeti joq ekenin aitsa, endi bireýleri qoǵam aldynda júrgen tulǵalardyń ómirbaianyna qatysty barlyq jait ashyq bolýy tiis degen pikir bildirgen.
Jelide «Bul oqiǵaǵa quqyq qorǵaý organdary qandai baǵa berdi?», «Qylmystyq is qozǵaldy ma?», «Oqiǵanyń sońy nemen aiaqtaldy?» degen saýaldar da jii qoiylyp jatyr.
