Foto: ShQO Aqparat ortalyǵy
Ridder jylý elektr ortalyǵynyń investory Ámirjan Nábiev atalǵan nysandy memleketke 1 teńgege berý týraly sheshim qabyldady. Bul týraly Energetika ministri Almasadam Sátqaliev málim etti, dep habarlaidy Kazinform agenttigi.
«Ridder jylý elektr ortalyǵyn qalpyna keltirý úshin respýblikalyq jáne jergilikti biýdjetten aýqymdy qarajat bólindi. Jylý ortalyǵy is júzinde biýdjet qarajaty esebinen qalpyna keltirildi. Atalǵan obekt investory óz erkimen, Úkimet rezervi esebinen bólingen mindetterdi jabý úshin jylý ortalyǵyn memleketke 1 teńgege berý týraly sheshim qabyldady», - dep túsindirdi Almasadam Sátqaliev Májilis otyrysynan keiin tilshilerdiń suraǵyna jaýap bere otyryp.
Sondai-aq BAQ ókilderi Energetika ministrinen Ridder jylý elektr ortalyǵynyń investory Ámirjan Nábievtiń ne sebepti ketkenin surady.
«Bul onyń erikti sheshimi boldy. Ol qaryzdardyń edáýir somasyn, jylý ortalyǵy aldyndaǵy 5 mlrd teńgeden astam bereshekti ótedi», - dep tolyqtyrdy Sátqaliev.
