فوتو: شقو اقپارات ورتالىعى
ريددەر جىلۋ ەلەكتر ورتالىعىنىڭ ينۆەستورى ەمٸرجان نەبيەۆ اتالعان نىساندى مەملەكەتكە 1 تەڭگەگە بەرۋ تۋرالى شەشٸم قابىلدادى. بۇل تۋرالى ەنەرگەتيكا مينيسترٸ الماسادام سەتقاليەۆ مەلٸم ەتتٸ, دەپ حابارلايدى Kazinform اگەنتتٸگٸ.
«ريددەر جىلۋ ەلەكتر ورتالىعىن قالپىنا كەلتٸرۋ ٷشٸن رەسپۋبليكالىق جەنە جەرگٸلٸكتٸ بيۋدجەتتەن اۋقىمدى قاراجات بٶلٸندٸ. جىلۋ ورتالىعى ٸس جٷزٸندە بيۋدجەت قاراجاتى ەسەبٸنەن قالپىنا كەلتٸرٸلدٸ. اتالعان وبەكت ينۆەستورى ٶز ەركٸمەن, ٷكٸمەت رەزەرۆٸ ەسەبٸنەن بٶلٸنگەن مٸندەتتەردٸ جابۋ ٷشٸن جىلۋ ورتالىعىن مەملەكەتكە 1 تەڭگەگە بەرۋ تۋرالى شەشٸم قابىلدادى», - دەپ تٷسٸندٸردٸ الماسادام سەتقاليەۆ مەجٸلٸس وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
سونداي-اق باق ٶكٸلدەرٸ ەنەرگەتيكا مينيسترٸنەن ريددەر جىلۋ ەلەكتر ورتالىعىنىڭ ينۆەستورى ەمٸرجان نەبيەۆتٸڭ نە سەبەپتٸ كەتكەنٸن سۇرادى.
«بۇل ونىڭ ەرٸكتٸ شەشٸمٸ بولدى. ول قارىزداردىڭ ەدەۋٸر سوماسىن, جىلۋ ورتالىعى الدىنداعى 5 ملرد تەڭگەدەن استام بەرەشەكتٸ ٶتەدٸ», - دەپ تولىقتىردى سەتقاليەۆ.
