Bilim ministri Ashat Aimaǵambetov reseilik pedagogterdi qazaqstandyq mektepterge jumysqa ornalastyrýǵa qatysty pikir bildirdi, - dep habarlaidy Massaget.kz.
Amanat partiiasynyń sezi kýlýarynda jýrnalister ministrden elge kelip jatqan reseilik oqýshylar men muǵalimder týraly surady.
"Mektepterge jumysqa ornalasý talaptary bar. Olardy bir jyl buryn engizgenbiz. Qazir diplom jetkiliksiz. Elimizdiń kez kelgen azamaty bolsyn, azamattyǵy joq bolsyn, mektepke jumysqa turý úshin ulttyq biliktilik synaǵynan ótkeni týraly sertifikaty bolýy kerek", - dedi Aimaǵambetov.
Ministr muǵalim qazaqsha ádisteme men baǵdarlamany bilýi kerek ekenin aitty.
"Ol óz pánin jaqsy bilýi kerek. Sondyqtan diplom jetkiliksiz, sertifikat kerek. Bul - birinshiden. Bárinde sertifikat joq. Ekinshiden, oqý jylymyz bastalyp ketti, bos oryndar toldy, sondyqtan bul suraq múldem týyndamaidy", - dep túsindirdi ol.
Aimaǵambetov reseilik oqýshylardy qazaq mektepterine qabyldaý jaǵdaiy da baqylaýda ekenin atap ótti. Onyń aitýynsha, eshqandai dúrligý joq.
"Biz de oqýshylar sany óskenin kórip turǵan joqpyz. Bul aqparatty jinap jatqanymyzdy, jaǵdaidy baqylap otyrǵanymyzdy jasyrmaimyn. Mundai tolqýdyń múldem joǵyn kórip otyrmyz. Bálkim, bul kelip jatqandardyń jasy basqa bolýyna bailanysty shyǵar", - dep túiindedi ministr.
