بٸلٸم مينيسترٸ اسحات ايماعامبەتوۆ رەسەيلٸك پەداگوگتەردٸ قازاقستاندىق مەكتەپتەرگە جۇمىسقا ورنالاستىرۋعا قاتىستى پٸكٸر بٸلدٸردٸ, - دەپ حابارلايدى Massaget.kz.
Amanat پارتيياسىنىڭ سەزٸ كۋلۋارىندا جۋرناليستەر مينيستردەن ەلگە كەلٸپ جاتقان رەسەيلٸك وقۋشىلار مەن مۇعالٸمدەر تۋرالى سۇرادى.
"مەكتەپتەرگە جۇمىسقا ورنالاسۋ تالاپتارى بار. ولاردى بٸر جىل بۇرىن ەنگٸزگەنبٸز. قازٸر ديپلوم جەتكٸلٸكسٸز. ەلٸمٸزدٸڭ كەز كەلگەن ازاماتى بولسىن, ازاماتتىعى جوق بولسىن, مەكتەپكە جۇمىسقا تۇرۋ ٷشٸن ۇلتتىق بٸلٸكتٸلٸك سىناعىنان ٶتكەنٸ تۋرالى سەرتيفيكاتى بولۋى كەرەك", - دەدٸ ايماعامبەتوۆ.
مينيستر مۇعالٸم قازاقشا ەدٸستەمە مەن باعدارلامانى بٸلۋٸ كەرەك ەكەنٸن ايتتى.
"ول ٶز پەنٸن جاقسى بٸلۋٸ كەرەك. سوندىقتان ديپلوم جەتكٸلٸكسٸز, سەرتيفيكات كەرەك. بۇل - بٸرٸنشٸدەن. بەرٸندە سەرتيفيكات جوق. ەكٸنشٸدەن, وقۋ جىلىمىز باستالىپ كەتتٸ, بوس ورىندار تولدى, سوندىقتان بۇل سۇراق مٷلدەم تۋىندامايدى", - دەپ تٷسٸندٸردٸ ول.
ايماعامبەتوۆ رەسەيلٸك وقۋشىلاردى قازاق مەكتەپتەرٸنە قابىلداۋ جاعدايى دا باقىلاۋدا ەكەنٸن اتاپ ٶتتٸ. ونىڭ ايتۋىنشا, ەشقانداي دٷرلٸگۋ جوق.
"بٸز دە وقۋشىلار سانى ٶسكەنٸن كٶرٸپ تۇرعان جوقپىز. بۇل اقپاراتتى جيناپ جاتقانىمىزدى, جاعدايدى باقىلاپ وتىرعانىمىزدى جاسىرمايمىن. مۇنداي تولقۋدىڭ مٷلدەم جوعىن كٶرٸپ وتىرمىز. بەلكٸم, بۇل كەلٸپ جاتقانداردىڭ جاسى باسقا بولۋىنا بايلانىستى شىعار", - دەپ تٷيٸندەدٸ مينيستر.
