Reseidiń Túrkiiadaǵy elshisi Andrei Karlovty óltirgen adam qazan aiynan beri saiasat jaily málimetterdi jinastyryp júrgen, - dep jazady Anadolu agenttigi.
Andrei Karlovtyń ólimine qatysty tergeý jumystarynyń barysynda reseilik mámilegerdiń árbir áreketi jaily aqparat Serkannyń (qaskói Mevliýt Mert Altynshashpen osyǵan deiin bir bólmede turǵan) advokatynyń kompiýteri arqyly 2016 jyldyń qazan aiynan jinalǵan.
Basylymdaǵylar sarapshylarǵa silteme jasai otyryp, Internette qazan aiynda Karlov jaily málimetterdiń birneshe ret izdestirilgenin aityp otyr. Sondai-aq, Karlov túsken videolar da birneshe ret qaralǵan. Basylym málimetinshe, qazirgi ýaqytta tergeýshiler osy ýaqyt aralyǵynda Mevliýt Merttiń kimmen kezdeskenin anyqtap jatyr.
Eske salaiyq, Reseidiń Túrkiiadaǵy elshisine shabýyl Túrkiia astanasyndaǵy zamanaýi óner ortalyǵyndaǵy kórmeniń ashylý saltanatynda jasaldy. Kýágerlerdiń aitýynsha, mekemege qarýly adamkirip kelip, diplomattyń artynan oq atqan. 62 jastaǵy diplomatqa minberde sóz sóz sóilep turǵanda jasalǵan. Politseiler oǵan shabýyl jasaǵan adamnyń kózin joidy. Bul oqiǵany túrik telearnasy tikelei efirde kórsetip jatqan. Keiin QR SIM Reseidiń Túrkiiadaǵy elshisi Andrei Karlovqa jasalǵan qastandyq týraly pikir bildirdi.
Keiinirek Memleket basshysy Nursultan Nazarbaev Reseidiń Túrkiiadaǵy elshisiniń qazasyna kóńil aitqan bolatyn.
