رەسەيدٸڭ تٷركيياداعى ەلشٸسٸ اندرەي كارلوۆتى ٶلتٸرگەن ادام قازان ايىنان بەرٸ ساياسات جايلى مەلٸمەتتەردٸ جيناستىرىپ جٷرگەن, - دەپ جازادى Anadolu اگەنتتٸگٸ.
اندرەي كارلوۆتىڭ ٶلٸمٸنە قاتىستى تەرگەۋ جۇمىستارىنىڭ بارىسىندا رەسەيلٸك مەمٸلەگەردٸڭ ەربٸر ەرەكەتٸ جايلى اقپارات سەركاننىڭ (قاسكٶي مەۆليۋت مەرت التىنشاشپەن وسىعان دەيٸن بٸر بٶلمەدە تۇرعان) ادۆوكاتىنىڭ كومپيۋتەرٸ ارقىلى 2016 جىلدىڭ قازان ايىنان جينالعان.
باسىلىمداعىلار ساراپشىلارعا سٸلتەمە جاساي وتىرىپ, ينتەرنەتتە قازان ايىندا كارلوۆ جايلى مەلٸمەتتەردٸڭ بٸرنەشە رەت ٸزدەستٸرٸلگەنٸن ايتىپ وتىر. سونداي-اق, كارلوۆ تٷسكەن ۆيدەولار دا بٸرنەشە رەت قارالعان. باسىلىم مەلٸمەتٸنشە, قازٸرگٸ ۋاقىتتا تەرگەۋشٸلەر وسى ۋاقىت ارالىعىندا مەۆليۋت مەرتتٸڭ كٸممەن كەزدەسكەنٸن انىقتاپ جاتىر.
ەسكە سالايىق, رەسەيدٸڭ تٷركيياداعى ەلشٸسٸنە شابۋىل تٷركييا استاناسىنداعى زاماناۋي ٶنەر ورتالىعىنداعى كٶرمەنٸڭ اشىلۋ سالتاناتىندا جاسالدى. كۋەگەرلەردٸڭ ايتۋىنشا, مەكەمەگە قارۋلى ادامكٸرٸپ كەلٸپ, ديپلوماتتىڭ ارتىنان وق اتقان. 62 جاستاعى ديپلوماتقا مٸنبەردە سٶز سٶز سٶيلەپ تۇرعاندا جاسالعان. پوليتسەيلەر وعان شابۋىل جاساعان ادامنىڭ كٶزٸن جويدى. بۇل وقيعانى تٷرٸك تەلەارناسى تٸكەلەي ەفيردە كٶرسەتٸپ جاتقان. كەيٸن قر سٸم رەسەيدٸڭ تٷركيياداعى ەلشٸسٸ اندرەي كارلوۆقا جاسالعان قاستاندىق تۋرالى پٸكٸر بٸلدٸردٸ.
كەيٸنٸرەك مەملەكەت باسشىسى نۇرسۇلتان نازارباەۆ رەسەيدٸڭ تٷركيياداعى ەلشٸسٸنٸڭ قازاسىنا كٶڭٸل ايتقان بولاتىن.
