QR Energetika ministrligi Reseiden gaz tartý úshin shekaralas oblystardyń qajettilikterin zerttep jatyr,dep habarlaidy QazAqparat.
Bul týraly vitse-ministr Jandos Nurmaǵanbetov Senat otyrysynan keiin BAQ ókilderine bergen suhbatynda aitty.
«Energetika ministrligi «Gazprommen» kelissózder júrgizgen bolatyn. «Gazprom» Qazaqstannyń soltústik jáne shyǵys óńirlerine qansha gaz kerektigi týraly naqty aqparat berýdi suraǵan. Ákimdikterge sondai saýal joldadyq. Qazir ákimdikter osy boiynsha ótinim qalyptastyryp jatyr. Olar qandai kásiporyndardy, jeke sektordyń qansha bóligin gazǵa qosýǵa bolatyny týraly jospar jasap jatyr. Qandai kásiporyndar gazǵa kóshýge daiyn ekeni anyqtalyp jatyr. Qazaqstandyq kásiporyndar úshin elektr qýatyn óndiriste paidalaný áldeqaida arzan. Onyń ústine Reseidegi gazdyń baǵasynda da aiyrmashylyq bar. Bul jumystar jyldyń birinshi toqsanynda bitýi kerek. Sodan keiin energetika ministrligi qansha gaz kerek, ony qalai jetkizýge bolady, bul joba qansha merzimde iske asady degen suraqtarǵa jaýap bere alady, - dedi Jandos Nurmaǵanbetov.
Sondai-aq, bul másele boiynsha kelissóz nege «Gazprommen» júrgizilip jatqanyn túsindirdi.
«Meniń qolymdaǵy málimetke qaraǵanda, «Gazprom» Reseidegi gaz tasymaldaý jáne jetkizý boiynsha operator bolyp tabylady. Sondyqtan Reseiden gaz tartý týraly kelissózder «Gazprommen» júrgizilip jatyr. Suiytylǵan gazdy jeke kompaniialar da tasymaldaidy. Al qubyr arqyly keletin gazǵa «Gaprom» jaýapty», -dedi vitse-ministr.
