قر ەنەرگەتيكا مينيسترلٸگٸ رەسەيدەن گاز تارتۋ ٷشٸن شەكارالاس وبلىستاردىڭ قاجەتتٸلٸكتەرٸن زەرتتەپ جاتىر,دەپ حابارلايدى قازاقپارات.
بۇل تۋرالى ۆيتسە-مينيستر جاندوس نۇرماعانبەتوۆ سەنات وتىرىسىنان كەيٸن باق ٶكٸلدەرٸنە بەرگەن سۇحباتىندا ايتتى.
«ەنەرگەتيكا مينيسترلٸگٸ «گازپروممەن» كەلٸسسٶزدەر جٷرگٸزگەن بولاتىن. «گازپروم» قازاقستاننىڭ سولتٷستٸك جەنە شىعىس ٶڭٸرلەرٸنە قانشا گاز كەرەكتٸگٸ تۋرالى ناقتى اقپارات بەرۋدٸ سۇراعان. ەكٸمدٸكتەرگە سونداي ساۋال جولدادىق. قازٸر ەكٸمدٸكتەر وسى بويىنشا ٶتٸنٸم قالىپتاستىرىپ جاتىر. ولار قانداي كەسٸپورىنداردى, جەكە سەكتوردىڭ قانشا بٶلٸگٸن گازعا قوسۋعا بولاتىنى تۋرالى جوسپار جاساپ جاتىر. قانداي كەسٸپورىندار گازعا كٶشۋگە دايىن ەكەنٸ انىقتالىپ جاتىر. قازاقستاندىق كەسٸپورىندار ٷشٸن ەلەكتر قۋاتىن ٶندٸرٸستە پايدالانۋ ەلدەقايدا ارزان. ونىڭ ٷستٸنە رەسەيدەگٸ گازدىڭ باعاسىندا دا ايىرماشىلىق بار. بۇل جۇمىستار جىلدىڭ بٸرٸنشٸ توقسانىندا بٸتۋٸ كەرەك. سودان كەيٸن ەنەرگەتيكا مينيسترلٸگٸ قانشا گاز كەرەك, ونى قالاي جەتكٸزۋگە بولادى, بۇل جوبا قانشا مەرزٸمدە ٸسكە اسادى دەگەن سۇراقتارعا جاۋاپ بەرە الادى, - دەدٸ جاندوس نۇرماعانبەتوۆ.
سونداي-اق, بۇل مەسەلە بويىنشا كەلٸسسٶز نەگە «گازپروممەن» جٷرگٸزٸلٸپ جاتقانىن تٷسٸندٸردٸ.
«مەنٸڭ قولىمداعى مەلٸمەتكە قاراعاندا, «گازپروم» رەسەيدەگٸ گاز تاسىمالداۋ جەنە جەتكٸزۋ بويىنشا وپەراتور بولىپ تابىلادى. سوندىقتان رەسەيدەن گاز تارتۋ تۋرالى كەلٸسسٶزدەر «گازپروممەن» جٷرگٸزٸلٸپ جاتىر. سۇيىتىلعان گازدى جەكە كومپانييالار دا تاسىمالدايدى. ال قۇبىر ارقىلى كەلەتٸن گازعا «گاپروم» جاۋاپتى», -دەدٸ ۆيتسە-مينيستر.
