Reseidiń Tomsk oblysynda órtten Ózbekstannyń 10 azamaty qaza tapty, – dep habarlaidy TASS.
Tótenshe jaǵdailar ministrliginiń málimeti boiynsha, Prichýlymskii aýylyndaǵy bir qabatty aǵash úide órt bolyp jatqany týraly habarlama Máskeý ýaqytymen 00:10-da túsken. Birinshi bólimshe oqiǵa ornyna jetkende úi tolyqtai órtke oranǵan. Jalyn 208 sharshy metr aýmaqty sharpydy. Áýelde bes adamnyń denesi tabylǵan.
Keiinirek, RF Tótenshe jaǵdailar ministrliginiń baspasóz qyzmeti, mert bolǵandar sany 10-ǵa jetkenin málimdedi. Shuǵyl qyzmet ókilderi taǵy eki adamnyń zardap shekkenin aitty. Úsh adam óz betterimen shyǵyp úlgergen.
«Aldyn ala málimet boiynsha, qaza tapqandar men zardap shekkender Ózbekstan azamattary», - delingen aqparatta.
Derekkóz málimetinshe, aǵash úide aǵash daiyndaýmen ainalysatyn «Grinvýd» Jaýapkershiligi shekteýli qoǵamdastyǵynyń 12 jumysshysy turyp jatqan. Zardap shekken eki azamatqa emhanalyq kómek kórsetildi.
