رەسەيدٸڭ تومسك وبلىسىندا ٶرتتەن ٶزبەكستاننىڭ 10 ازاماتى قازا تاپتى, – دەپ حابارلايدى تاسس.
تٶتەنشە جاعدايلار مينيسترلٸگٸنٸڭ مەلٸمەتٸ بويىنشا, پريچۋلىمسكيي اۋىلىنداعى بٸر قاباتتى اعاش ٷيدە ٶرت بولىپ جاتقانى تۋرالى حابارلاما مەسكەۋ ۋاقىتىمەن 00:10-دا تٷسكەن. بٸرٸنشٸ بٶلٸمشە وقيعا ورنىنا جەتكەندە ٷي تولىقتاي ٶرتكە ورانعان. جالىن 208 شارشى مەتر اۋماقتى شارپىدى. ەۋەلدە بەس ادامنىڭ دەنەسٸ تابىلعان.
كەيٸنٸرەك, رف تٶتەنشە جاعدايلار مينيسترلٸگٸنٸڭ باسپاسٶز قىزمەتٸ, مەرت بولعاندار سانى 10-عا جەتكەنٸن مەلٸمدەدٸ. شۇعىل قىزمەت ٶكٸلدەرٸ تاعى ەكٸ ادامنىڭ زارداپ شەككەنٸن ايتتى. ٷش ادام ٶز بەتتەرٸمەن شىعىپ ٷلگەرگەن.
«الدىن الا مەلٸمەت بويىنشا, قازا تاپقاندار مەن زارداپ شەككەندەر ٶزبەكستان ازاماتتارى», - دەلٸنگەن اقپاراتتا.
دەرەككٶز مەلٸمەتٸنشە, اعاش ٷيدە اعاش دايىنداۋمەن اينالىساتىن «گرينۆۋد» جاۋاپكەرشٸلٸگٸ شەكتەۋلٸ قوعامداستىعىنىڭ 12 جۇمىسشىسى تۇرىپ جاتقان. زارداپ شەككەن ەكٸ ازاماتقا ەمحانالىق كٶمەك كٶرسەتٸلدٸ.
